Ագապի Նասիպեան-Էքմէքճեան
Դոկտոր Ագապի Նասիպեան-Էքմէքճեան (ծն.՝ Լիմասոլ, Կիպրոս - Մահ.՝ 21 Դեկտեմբեր 2018-ին, Կիպրոս) պատմաբան, նախկին տնօրէն Հայկական Բարեգործական Ընդհանուր Միութեան Կիպրոսի Մելքոնեան կրթական հաստատութեան:[1]
| Ագապի Նասիպեան-Էքմէքճեան | |
|---|---|
| Ծնած է | Լիմասոլ, Կիպրոս |
| Մահացած է | 21 Դեկտեմբեր 2018 |
| Մահուան վայր | Կիպրոս |
| Ազգութիւն | հայ |
| Մասնագիտութիւն | Պատմական Գիտութիւններու Դոկտորի աստիճան |
| Գործունէութիւն | պատմաբան,դասախօս, մանկավարժ, տնօրէնուհի եւ ուսուցչուհի |
|
«Հայ ժողովուրդը երախտապարտ պէտք է ըլլայ դոկտ. Ագապի Նասիպեան-Էքմեքճեանի ձեռնհասութեամբ տաղանդաւոր պատմագէտ- պատմաբան մը ունենալուն համար»: | 
|
|
|
«Բայց ու՜ր պիտի պատրաստուի հայեցիութեամբ շնչող ու հայութեամբ տագնապող սերունդ մը որ նուիրուի ազգային ծառայութեան՝ եթէ ոչ հայեցիութեան ամրոց՝ հայադրոշմ հայ երկրորդական վարժարանին մէջ: Կը մասնաւորեմ երկրորդական վարժարանը, որովհետեւ բնական
պատճառներով, պատանին այս տարիներուն է որ կը կազմաւորուի ֆիզիքապէս, միտքով ու հոգիով եւ կը ստանայ զգացողութիւններ ու տպաւորութիւններ որոնք կ'ընկերանան իրեն կեանքի ամբողջ տեւողութեան: ՍԵՐՈՒՆԴ կը պատրաստուի երկրորդական վարժարանին մէջ:» - Դոկտոր Ագապի Նասիպեան-Էքմէքճեան
|
|
Ուսում եւ պաշտօն Խմբագրել
- Ան նախակրթութիւնը ստացած է Նիկոսիոյ Ազգային Մելիքեան-Ուզունեան վարժարանին մէջ, ապա յաճախած է Մելգոնեան Կրթական Հաստատութիւն, որուն Վարժապետանոցի բաժինէն շրջանաւարտ եղած է 1947-ին:
- Համալսարանական ուսումը ստացած է Միացեալ Թագաւորութեան տարբեր համալսարաններէն. «Պսակաւոր Արուեստից» վկայականի տիրացած է Լոնտոնի Համալսարանէն, «Մագիստրոս Արուեստից»՝ Կլասքոյի Համալսարանէն:
- 1982-ին, Օքսֆորտի Համալսարանէն տիրացած է Պատմական Գիտութիւններու Դոկտորի աստիճանին, պաշտպանելով “Britain and the Armenian Question 1915-1923” (Բրիտանիա եւ Հայկական Հարցը 1915-1923) թեզը, որ ունեցած է երեք հրատարակութիւն՝ 1984-ին եւ 1985-ին, իսկ հայերէն թարգմանութեամբ՝ 1994-ին:
- 1951-էն 1975 (ընդմիջումներով), Մելգոնեան Կրթական Հաստատութենէն ներս դասաւանդած է աշխարհագրութիւն եւ ընդհանուր ազգաց պատմութիւն դասանիւթերը:
- 1985-էն 1988 վարած է Մելգոնեան Կրթական Հաստատութեան տնօրէնուհիի պաշտօնը:
- Տարբեր տարիներ եղած է Ազգային Առաջնորդարանի Աղքատախնամ մարմնին եւ Հ. Բ. Ը. Մ.-ի Նիկոսիոյ մասնաճիւղի Տիկնանց վարչութեան ատենապետուհին: *Վեթերան անդամ է Հ. Բ. Ը. Միութեան:
- 1984-էն 2006, պատմագիտական, կրթական եւ ընկերային նիւթերով զանազան դասախօսութիւններ տուած է Լոնտոնի, Նիկոսիոյ, Երեւանի, Աթէնքի, Հալէպի, Գահիրէի, Դամասկոսի, Ռովանիէմի (Ֆինլանտիա), Ժընեւի, Փուաթիէի (Ֆրանսա), Լոս Անճելըսի եւ Պէյրութի մէջ:
Շքանշան Խմբագրել
Կրթական եւ մշակութային գործունէութեան համար 1997-ին Ն.Ս.Օ.Տ.Տ. ԱԱրամ Ա. Մեծի Տանն Կիլիկիոյ Կաթողիկոսին կողմէ շքադրուած է «Ս. Մեսրոպ Մաշտոց» շքանշանով, իսկ 2003-ին, Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսին կողմէ՝ «Ս. Սահակ-Ս. Մեսրոպ» շքանշանով:[4]