Ակօս
Ակօս (թրք.՝ Agos), 1996 թուականէն Պոլսոյ մէջ հրատարակուող երկլեզու հայ շաբաթաթերթ է։ Կը տպուի հայերէնով եւ թրքերէնով։
| Ակօս | |
|---|---|
| Տեսակ | պարբերաթերթ |
| Լեզու | թրքերէն եւ հայերէն |
| Խմբագիր | Եդուարդ Տանձիկեան |
| Հիմնադրուած է | 1996 |
| Հիմնադիր | Հրանդ Տինք |
| Երկիր |
 Թուրքիա |
| Հրատարակման վայր | Պոլիս |
| Գրասենեակ | Պոլիս, Թուրքիա |
| Պարգեւներ | Հերման Քեսթըն մրցանակ |
| Կայք | agos.com.tr |
Հիմնուած է 1996 թուականին Հրանդ Տինքի եւ Աննա Թուրայի,Լուիզ եւ Տիրան Պաքարներու հետ, Մեսրոպ Պատրիարքին մեծ աջակցութեամբ, թուրքիաբնակ հայերու խնդիրները հասարակութեան փոխանցելու նպատակով։ «Ակօս» Հանրապետութեան շրջանի առաջին հայերէն-թուրքերէն երկլեզու լրագիրն է։ Ժողովրդավարութիւնը, փոքրամասնութիւններու իրաւունքները, անցեալի հետ առերեսումը, Թուրքիայէն ներս բազմազանութեան պահպանումը եւ զարգացումը հրատարակութեան գլխաւոր նախադրեալներն են։ Թուրքիոյ հայ հասարակութեան ծոցէն եկող թերթը մտադիր է Թուրքիոյ եւ համաշխարհային խնդիրներուն աւելի շատ տեղ տալ իր էջերուն մէջ։ Թուրքիոյ մէջ հետզհետէ կը նօսրանայ անկախ լրատուութեան եւ խօսքի ազատութեան տարածքը։ «Ակօս»ը այդ տարածքին վրայ ազատ երկխօսութեան գործօն մըն է[1]։
Ներկայիս խմբագիրը՝ Եդուարդ Տանձիկեանն է։