Աննա Տոլապճեան
Աննա Տոլապճեան, ծնած է Երեւան, Հայաստան: Արմատներով՝ մեծ հայրը՝ Մարաշցի, մեծ մայրը՝ Հաճընցի: խորհրդատու, NLP-ի (Neuro-Linguistic Programming (Ջղա-լեզուաբանական ծրագրաւորող) մասնագէտ եւ քնէածաբան։ Հայկական Համացանցային Համալսարան (ՀՀՀ)-ի Դեսպան՝ Եգիպտոսի Մէջ:
| Աննա Տոլապճեան | |
|---|---|
| Ծնած է | 28 Սեպտեմբեր 1957 |
| Ծննդավայր | Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Քաղաքացիութիւն |
 Հայաստան |
| Ազգութիւն | Հայ |
| Կարողութիւն | քնէածաբան |
| Մասնագիտութիւն | NLP-ի մասնագէտ Master Life Coach, NLP (Neuro-Linguistic Programming) Time Paradigm Techniques, Hypnotherapy and Energy Healing |
| Աշխատավայր | խորհրդատու |
| Ամուսին | Գեղամ Թրայեան |
| Ծնողներ | Սրտաբան Զաւէն Տոլապճեան, Սիլվիա Պալեան |
| Երեխաներ | երկու դուստր՝ Լորնա եւ էտնա |
Կենսագրութիւն Խմբագրել
Աննա Տոլապճեանի ծնողները փրոֆ. սրտաբան Զաւէն Տոլապճեան 1947-ին Հայաստան ներգաղթած են Եգիպտոսէն: ճակատագիրի բերումով, Աննա Տոլապճեան ամուսնացած է եգիպտահայի հետ: Հօրենական կողմէ հզօր բնազդը, զինք մղած է հետեւելու հանգուցեալ հօր՝ Զաւէն Տոլապճեանի օրինակին, հանդէս գալով որպէս խորհրդատու, NLP-ի մասնագէտ եւ քնէածաբան։ Հայրը, Հայաստանի մէջ, յայտնի սրտաբան էր եւ բժշկական գիտութիւններու դոկտոր։ Գրած է, նաեւ, «Բժիշկի Յուշեր» վերնագիրով կարճ պատմուածքներ։ Եղած է պատգամաւոր Խորհրդային Հայաստանի խորհրդարանին մէջ։ Այժմ կ’ապրի Եգիպտոս, ուր ծնողները ծնած ու ապրած են մօտաւորապէս 37 տարի: Ունի երկու աղջիկ եւ թոռներ:
«Հայաստանէն Եգիպտոս Գաղթած Հարսերու Միութիւն»ը Խմբագրել
Իր նմաններուն աջակցելու դիտաւորութեամբ, կազմած է ‹‹Հայաստանէն Եգիպտոս Գաղթած Հարսերու Միութիւն››ը: Խումբը արդէն ունի 30 անդամ:
Աննա Տոլապճեան ստանձնած է կարեւոր տարբեր պաշտօններ։ Եղած է Եգիպտոսի մէջ Հայաստանի Հանրապետութեան առաջին դեսպան՝ Դոկտ. Է. Նալպանտեանի անձնական խորհրդատուն, իսկ աւելի ուշ, Գահիրէի Ամերիկեան Համալսարանի համալսարանական միջոցառումներու կազմակերպող բաժինի տնօրէնը:
Մասնագիտութիւն եւ աշխատանք Խմբագրել
Աննա Տոլապճեան աւարտած է (RSCI Master NLP Life Coach and (RSCI) Robert Simic Coaching Institute - (NLP) Neuro-Linguistic Programming) Ռոպերթ Սիմիք Ուսուցման Հիմնարկի Ջղալեզուաբանական Նախագիծը՝ կեանքը մարզող ու բուժող ուսուցումը՝, որ կ'օգնէ անհատին իմանալ ինչպէս կատարել ընտրութիւններ, որոնք կը նպաստեն բարելաւել եւ հաւասարակշիռ դարձնել կեանքը:
Ան աւարտած է նաեւ (GMCKS Arhat Pranic Energy Healer-(GMCKS) Grand Master Choi Kok Sui) Մեծ Վարպետ Չուա Քոք Սուի - Arhat Pranic Energy Healer Արհաթ Բրանիք Կենսական կեանքի ուժով բուժող ուսուցումը:
Հայկական Համացանցային Համալսարան (ՀՀՀ)-ը Խմբագրել
Գահիրէի ՀԲԸՄ-ի մասնաճիւղի ղեկավարութեան աջակցութեամբ, Սեպտեմբեր 2013-ին, Հայկական Համացանցային Համալսարան (ՀՀՀ)-ը պաշտօնապէս ներկայացուեցաւ Եգիպտոսի մէջ։ Առաջին անգամ ՀՀՀ-ի մասին Աննա Տոլապճեան լսած է 10 տարի առաջ, երբ Դոկտ. Երուանդ Զօրեանը Հայկական Համացանցային Համալսարան (ՀՀՀ)ն կը ներկայացնէ Եգիպտոսի հայկական գաղութին։ Ան միշտ բարձր գնահատած է Հայկական Համացանցային Համալսարան (ՀՀՀ)-ի հնարաւորութիւնները։ Ապրելով Հայաստանի եւ սփիւռքի տարածքին, նկատած է, որ ՀՀՀ-ը մեծ դեր ունի սփռուած հայերը միաւորելու մէջ
|
Շատ հաճելի է աշխատիլ ՀՀՀ-ի հետ: Ես, իմ գաղութիս պէս, կը վայելեմ հայրենիքիս մօտ ըլլալու իւրաքանչիւր վայրկեանը։ Հայկական Համացանցային Համալսարան (ՀՀՀ)-ի շնորհիւ, այդ դրական եւ ջերմ ներուժը կը սփռեմ շրջապատիս։ - Աննա Տոլապճեան
|
|
2013 -ին Աննա Տոլապճեանը կը նշանակուի Հայկական Համացանցային Համալսարանի ներկայացուցիչը Եգիպտոսի մէջ:
Աննա Տոլապճեանի ներկայացուցած առաջին դասընթացքը ճատրակն էր, որ սկիզբ առաւ Սեպտեմբեր, 2014-ին, Հայկական Համացանցային Համալսարան (ՀՀՀ)-ի հիպրիթ կրթական ծրագիրի բաժինի եւ Եգիպտոսի ճատրակի հիպրիթ ծրագիրի աջակցութեամբ: Այս ծրագիրին մասնակցեցան 11-65 տարեկան ուսանողներ։
Յաջորդ մեծ նախաձեռնութիւնը Մարտ 2015-ին ամիսէն սկիզբ առած հայոց լեզուի ուսուցումն է, հիպրիթ ծրագիրի միջոցով։
Շնորհակալագիր եւ պատուաւոր կոչում Խմբագրել
Դեկտեմբեր 2015-ին, Եգիպտոս կատարած այցելութեան ժամանակ, Հայկական Համացանցային Համալսարան (ՀՀՀ)-ի հիմնադիր Դոկտ. Ե. Զօրեան անոր կը շնորհէ շնորհակալագիր եւ Հայկական Համացանցային Համալսարան (ՀՀՀ-ի դեսպանի պատուաւոր կոչում` առ ի գնահատանք իր մատուցած ջանքերուն եւ անսահման նուիրուածութեան: