Գէորգ Վարժապետեան
Գէորգ Վարժապետեան (1895, Պաղտատ- 12 Հոկտեմբեր 1947, Աթէնք), հայ բժիշկ։
 | |
|---|---|
| Ծնած է | 1895 |
| Ծննդավայր | Պաղտատ |
| Մահացած է | 12 Հոկտեմբեր 1947 |
| Մահուան վայր | Աթէնք, Յունաստան |
| Կրթութիւն |
Դամասկոսի բժշկական վարժարան, |
| Մասնագիտութիւն | բժիշկ |
Կենսագրութիւն Խմբագրել
Ծնած է 1895 թուականին Պաղտատ` վիրաբուժի ընտանիքի մէջ։ Պատանեկութեան տարիներն անցած են Հալէպի մէջ։ Աւարտած է Հալէպի ազգային վարժարանը, այնուհետեւ Հալէպի Ֆրերներու միջնակարգ դպրոցը։ Ուսանած է Դամասկոսի բժշկական վարժարանէն ներս։ 1916 թուականին ուսումը շարունակած եւ աւարտած է Կոստանդնուպոլսոյ բժշկական համալսարանը եւ ստացած՝ բժշկի վկայական։
1916 թուականին՝ Առաջին համաշխարհային պատերազմին, զօրակոչուած է թրքական բանակ եւ Անատոլիոյ տարբեր հիւանդանոցներու մէջ ծառայած՝ որպէս զինուորական բժիշկ։ Գերի վերցուած է անգլիական զօրքին կողմէն։ Որպէս ռազմագերի անգլիական հիւանդանոցին մէջ ծառայած է վիրաբոյժ։ 1918 թուականին` պատերազմի աւարտէն ետք, ազատուած է գերութենէ։ Այնուհետեւ ծառայած է Կ. Պոլսոյ, Տարտանելի եւ Մայտոսի մէջ։
1923 թուականի հաստատուած է Յունաստանի Սելանիկ (Թեսաղոնիկէ) քաղաքին մէջ, ուր եւ աշխատած է մինչեւ իր կեանքի վերջը։ Սելանիկի մէջ ունեցած է իր սեփական հիւանդանոցը։ Եղած է հմուտ եւ բազմաշնորհ վիրաբոյժ, սիրուած ու յարգուած քաղաքացի։
1947 թուականին եղած է, Յունաստանի Սելանիկ քաղաքէն դէպի Խորհրդային Հայաստան, ներգաղթող կարաւանները կազմակերպող յանձնախմբի ղեկավարը։ 1947 թուականի Հոկտեմբեր 12-ին Աթէնքի մէջ յանկարծամահ եղած է՝ Եւրոպա կատարած ճամփորդութենէն վերադառնալու ժամանակ։ 1947 թուականի Հոկտեմբեր 19-ին թաղուած է Սելանիկի գերեզմանատան մէջ։ Եղած է 52 տարեկան։ [1]
Գրականութիւն Խմբագրել
Գէորգեան Կարօ, Ամէնուն Տարեգիրքը, Պէյրութ, 1960։
Տե՛ս նաեւ Խմբագրել
Աղբիւր Խմբագրել
Յարութիւն Մինասեան, Օսմանեան կայսրութիւնում Թուրքիայի Հանրապետութիւնում բռնաճնշումների եւ ցեղասպանութեան ենթարկուած հայ բժիշկներ, Երեւան, «Լուսաբաց», 2014 — 520 էջ։