Գուսան Հայկազուն( 1951 թուականի 20 Ապրիլ , Արտաշատ, Հայկական ԽՍՀ), իսկական անունը Գագիկ Ստեփանի Նազարեան, հայ գուսան, երգահան, երգերու հեղինակ, «Հայկազունք» երաժշտական համոյթի գեղարուեստական ղեկավար, Հայաստանի Հանրապետութեան մշակոյթի վաստակաւոր գործիչ, Արցախեան պատերազմի մասնակից, «Երկրապահ» կամաւորներու միութեան անդամ։

Գագիկ Ստեփանի Նազարեան
Նաեւ յայտնի է իբրեւ Гусан Айказун
Ծնած է Ապրիլ 20 1951
Ծննդավայր Արտաշատ
Քաղաքացիութիւն  Հայաստան
Ազգութիւն Հայ
Կրօնք Քրիստոնեայ
Մասնագիտութիւն Գուսան, երգիչ, երգահան

Կենսագրութիւն Խմբագրել

Վաղ տարիներ Խմբագրել

Գագիկ Ստեփանի Նազարեանը ծնած է 1951 թուականին 20 Ապրիլին Արտաշատ քաղաքին մէջ, Հայկական ԽՍՀ։ Ընտանիքին մէջ կար նաեւ երեք քոյր։ Արմատները Պարսկահայքի Խոյ քաղաքէն են։ Վաղ հասակին կորսնցուցած է իր հայրը։

Արդէն դպրոցական տարիներուն սկսած է գրել հայրենասիրական եւ սիրային երգեր։ Ըստ գուսանի, Րաֆֆի Յարութիւնեան անունով դասատուի շնորհիւ է նաեւ, որ ան սկսաւ հայրենասիրական երգեր գրելու։ Աւարտած է դպրոցը 1967 թուականին, ատկէ ետք ընդունուած է Երեւանի շինարարական տեխնիկումը։ Մասնագիտութեամբ շինարար-ինժեներ է։

Ըստ գուսանի, իր ստեղծագործութիւնները պայքարի կոչ են եւ այնտեղ «լացելու» մոտիւներ չկան Իր «Հայկազունք» երաժշտական համոյթի հետ ամէն տարի Հայաստանի աւելի քան 40 դպրոցներուն մէջ համերգներ է կու տայ ինչպէս նաեւ տարին քանի մը անգամ սփիւռքին մէջ։

Արցախեան Շարժում Խմբագրել

Մասնակցած է Արցախեան պատերազմին Արտաշատի «Երկրապահ» ջոկատին Մհեր Սաղաթելեանի հրամանատարութեան տակ։ Մարտական գործողութիւնները սկսած է Երասխ գիւղէն, եղած է նաեւ Գետաշենէն, Կապանէն, Գորիսէն, Բերձորէն։ Ծանր մարտերուն չի մասնակցիր, քանի որ իր հրամանատարը նախընտրած է, որ գուսանը շարունակէ նոր երգեր գրել։ Շատ երգեր գրած է անմիջապէս մարտի դաշտէն։ Ըստ գուսան Հայկազունի, ան մէկ անգամ տեսած է մինիին։ Յետագային, մոտիկ շփուած է Մելքոնեանի կնոջ՝ Սեդայի հետ եւ մինչեւ հիմա կապ պահած է անոր ընկեր՝ Ալէք Ենիգոմշեանի հետ։ Առաջին օրերուն միանալով Արցախեան շարժմանը, մեկ շաբաթուայ ընթացքին գրած է իր առաջին՝ «Հայեր, միացէ՛ք» երգը։ Առաջին անգամ կատարած է այն 17 Մայիս 1988 թուականին։

Երգեր Խմբագրել

Գրած է եւ կատարած է աւելի քան հարիւր երգ, որոնցմէ աւելի քան 10 երգ ՀՀ Պաշտպանութեան Նախարարութիւնը ընդունած է որպէս բանակային քայլերգ

  • Հայեր, միացէք
  • Գետաշէն
  • Հպարտ գնացեք (1992)
  • Մուսա լեռան
  • Վերականգնվիր, Կիլիկիա
  • Պիտի գնանք (1989)
  • Մաղավուզի Կարոյի երգը
  • Պարիր, արցախցի
  • Մոնթէ Մելքոնեան

Ընտանիք Խմբագրել

Հայրը՝ Ստեփան Նազարեան։ Ունի երեք քոյր, երեք որդի (որոնցմէ Սիփան Նազարեանը՝ Սիփանը Հայկազունը, երգիչ է) եւ մեկ դուստր։

Պարգեւներ Խմբագրել

  • Հայաստանի Հանրապետության մշակոյթի վաստակաւոր գործիչ
  • ՀՀ Սփիւռքի նախարարութեան Ոսկէ մետալ եւ շնորհակալագիր

Հետաքրքիր փաստեր Խմբագրել

  • «Պիտի գնանք» երգը (1989) գուսան Հայկազունի համար ամենասիրածն է իր երգերէն։
  • Գուսանը ծանօթ չէ նոտաներուն, չունի երաժշտական կրթութիւն, չի կատարեր ոչ մէկ երաժշտական գործիքով

Արտաքին յղումներ Խմբագրել

  • Գուսան Հայկազունի անձնական էջը Ֆեյսպուքի մէջ
  • «Արա՛, Գագո՞ն ով է…այդ մեր պապերի երգն է…»
  • «Սելը չի ճռռում, սելվորն է ճռռում». Գուսան Հայկազունի մեկնաբանութիւնը Սահակ Սահակեանի հետ հարցազրոյցի վերաբերեալ