Բացել գլխավոր ցանկը

Զաքար Զաքարեան (1849 - 1923), ֆրանսահայ նկարիչ։ Ծնած է Կ. Պոլիսի մէջ։ Նախնական կրթութիւնը ստացած է ծննդավայրին մէջ։ 1867-ին ուղարկուած է Փարիզ, ուր հետեւած է բժշկութեան՝ Սէն Բարբի վարժարանին մէջ, որմէ ետք քանի մը տարի աշխատած է Փարիզի հիվանդանոցներուն մէջ։ Ուսանողական տարիներուն իր մեջ նկարչական հակում ունենալով՝ հետևած է այդ ասպարէզին։ 1879-ին Փարիզի Վոլնեյ ակումբին մէջ առաջին անգամ ցուցադրած է իր նկարները։ Քաջալերուած գտած է ինքզինք եւ ամբողջովին նուիրուած է նկարչութեան։ 1885-ին Շանզ Էլիզէի սրահներուն մէջ ցուցադրած իր երկու նկարներէն մէկը վաճառուած է Օռլեանի թանգարանի կողմէ։ Աւելի ուշ նոյն պատուին արժանացած են ևս 12 գործ։ Քսանէն աւելի թանգարաններ գնած են անոր վրձինի արտադրանքը։ Աչքի ինկած է որպէս մեռածբնութեան մեծ վարպետ։ 1889 և 1900 թուականներու համաշխարհային ցուցահանդէսներուն մէջ արժանանացած է ոսկէ մետալի, իսկ 1889-ին ստացած է Պատուոյ լեգէոն շքանշան։ 1907-ին փարիզեան ցուցահանդէսին ներկայացուած «Երաժշտական գործիքները» անմիջապէս գնեց Փարիզի Լուքսենբուրգեան թանգարանը։ Թերթերն ու ամսագրերի բազմաթիւ հիացական տողերէն բացի, Զաքարեանի մասին գրուած է Ռոժե Պերի «Գեղարուեստի ընդհանուր պատմութեան» և Պոլ Ադանի «Ֆրանսական արուեստի տասը տարին» ուսումնասիրութիւններու մեջ։

Զաքար Զաքարեան
Ծնած է 1849
Ծննդավայր Ֆրանսա
Վախճանած է 1923
Քաղաքացիութիւն Flag of the Ottoman Empire.svg Օսմանեան Կայսրութիւն
Ազգութիւն Հայ
Կրօնք Քրիստոնեայ
Ուսումնավայր Սենտ Բարբի քոլեջ
Մասնագիտութիւն Նկարիչ
Զաքար Զաքարեանի «Նատյուրմորտ. Սալորներ» նկարը, 1890-ական թուականներ

ԱղբիւրներԽմբագրել

  • Գառնիկ Ստեփանեան (1973)։ Կենսագրական բառարան, հատոր Ա։ Երեւան։ «Սովետական գրող», էջ 327-328։
  • Շահեն Խաչատրեան (1991)։ Ֆրանսահայ կերպարուեստ։ Երեւան։ «Անահիտ», էջ 13-18։