Ժագ Իհմալեան

Իհմալեան Ժագ (թրք.՝ Jak İhmalyan, ռուս.՝ Жак Гарбисович Ихмальян, 30 Յունիս 1922, Կ.Պոլիս – 1 Ապրիլ 1978, Մոսկուա), հայ նկարիչ

Ժագ Իհմալեան
Ծնած է	30 Յունիս 1922
Ծննդավայր	Կ.Պոլիս
Վախճանած է	1 Ապրիլ 1978
Մահուան վայր	Մոսկուա, Խորհրդային Սոցիալիստական Հանրապետութիւններու Միութիւն
Քաղաքացիութիւն	Հայաստանի Խորհրդային Սոցիալիստական Հանրապետութիւն  Թուրքիա
Ազգութիւն	հայ
Մասնագիտութիւն	նկարիչ, լրագրող, արվեստների գործիչ

Կենսագրութիւն

Յաճախած է Ֆրանսական վարժարան եւ կերպարուեստի Ակադեմիայի նկարչական վարժարանը։

Աշխատակցած է «Նոր Օր»-ի՝ բանաստեղծութիւններով, եւ նկարազարդած՝ «Պարտէզ» մանկապատանեկան հանդէսը։ Նմանապէս նկարազարդած է Պէյրութի «Գիրք Գրականութեան եւ Արուեստի» պարբերաթերթը, եւ իբրեւ խմբագիր պաշտօնավարած է Մոսկուայի ռատիոկայանի թրքական բաժնին մէջ։ Ուսուցչագործած է Պէյրութի «Յովակիմեան-Մանուկեան» եւ «Մխիթարեան» վարժարաններուն մէջ։ Դասախօս նշանակուած է Մոսկուայի «Լոմոնոսով» համալսարանի Արեւելեան Լեզուներու բաժնին մէջ։ Աստանդական կեանք մը ապրած է գաղափարական համոզումի (թուրք համայնավար կուսակցութեան ղեկավար մարմին մաս կազմելուն պատճառով), եւ անոր վերջնական կայքը եղած է Մոսկուա քաղաքը, ուր ստանձնած է ռատիոկայանի թրքերէն բաժնի խմբագրութիւնը։