Հայկանոյշ Մառք

(Վերայղուած է Մառք Հայկանոյշ-էն)


Հայկանոյշ Մառք (1884, Իսթանպուլ1966, Իսթանպուլ), հայ գրագիտուհի։

Հայկանոյշ Մառք
Ծնած է 1884
Ծննդավայր Իսթանպուլ, Օսմանեան Կայսրութիւն
Մահացած է 1966
Մահուան վայր Իսթանպուլ, Թուրքիա
Ազգութիւն հայ
Կրօնք Հայ Առաքելական Եկեղեցի
Մասնագիտութիւն գրագէտ

ԿենսագրութիւնԽմբագրել

Ծնած եւ մահացած է Իսթանպուլ։ Յաճախած է Այասբաշայի վարպետ-տուտու վարժանոցը, Սէօրերու եւ էսայեան վարժարանները։ Ոսուցչագործած է Ազգային Հիւանդանոց եւ Նիկողոսեան Աղջկանց բարձրագոյն վարժարաններուն մէջ։ Աշխատակցած է Իսթանպուլահայ եւ Զմիւռնիայ մամուլին, բանաստեղծութիւններով, պատմուածքներով, նորավէպերով, դիմաստուերներով եւ թարգմանութիւններով։ Իր ամուսնոյն՝ գրագէտ Վահան Թոշիկեանի հետ հիմնած եւ խմբագրած է «Ծաղիկ Կանանց» յատուկ կնոջական թերթը (1905-08), եւ ապա մաս կազմած է «Լոյս Կանանց Յատուկ» շաբաթաթերթի խմբագրական կազմին (1907-11)։ 1919-33 թուականներուն կը հրատարակէ եւ կը խմբագրէ «Հայ Կին» կնոջական կիսամեայ հանդէսը։ Ամուսնոյն հրատարակած Նոր լուրի մէջ կը հաստատէ եւ կը խմբագրէ կնոջական էջ մը։ Ունի անտիպ թարգմանութիւններ Միւսէյէ, Հիւկոյէ, Բրիւտոմէ, ժերալտիէ եւ Թրիկվէէ։

Հրատարակուած ԳործերԽմբագրել

  • Ծուլութեան պահերէս (բանաստեղծութիւն) - Իսթանպուլ– 1921։
  • Զապէլ Ասատուր (Սիպիլ). Կեանքն Ու Գործունէութիւնը (բանախօսութիւն) - Իսթանպուլ, 1949։
  • Զարուհի Գալէմքեարեան (Կեանքն Ու Գործունէութիւնը) (բանախօսութիւն) - Իսթանպուլ, 1950։
  • Յիսնամեայ Յոբելեանի Տիկնանց Յանձնախումբի խմբագրութեամբ, Հայկանոյշ Մաոք «Կեանքն Ու Գործը» (մամուլի մէջ ցրուած էջերէ հատընտիր) - Իսթանպուլ, 1954։

ԾանօթագրութիւններԽմբագրել