Միջնադարեան Սթոքհոլմի Թանգարան
Միջնադարեան Սթոքհոլմի թանգարան (շուէտ.՝ Stockholms medeltidsmuseum), թանգարան Շուէտի մէջ: Կը գտնուի Սթոքհոլմ, Հելկենտսհոլմէն կղզիին մէջ՝ Թագաւորական պալատէն հիւսիս:
Միջնադարեան Սթոքհոլմի Թանգարան | |
|---|---|
 | |
| Տեսակ | պատմութեան թանգարան եւ տեսարժանութիւն |
| Երկիր |
 Շուէտ |
| Տեղագրութիւն | Սթոքհոլմ |
| Վայր | Կամլա սթան |
| Հասցէ | Strömparterren 3, SE-111 30 |
| Հիմնադրուած է | 1986 |
| 59°19′42″N 18°04′13″E / 59.328333333333°N 18.070277777778°E | |
| Կայքէջ | medeltidsmuseet.stockholm.se/…(անգլերէն) |
 | |
 | |
Պատմութիւն
ԽմբագրելԿառուցուած է 1970-ականներու վերջին հնագիտական վայրին մէջ (Riksgropen՝ «Ազգային / պետական բանտ») պեղուած հին յուշարձաններու շուրջը: Յայտնաբերուած է նաեւ Սթոքհոլմի քաղաքային պատի մէկ մասը, որ կը թուագրուի 16-րդ դարուն, կառուցուած Կուստաւ Ա. Վազայի օրոք, ինչպէս նաեւ միջնադարեան բարեգործական տունը, կը կրէ Սուրբ Հոգիի տուն (Հելկենտսհոլմէն) անունը, ուրկէ ալ ծագած է կղզիին անունը: Գտածոները լայն հասարակութեան հասանելի դարձնելու համար ծրագրային ստորգետնեայ աւտոտնակի փոխարէն 1986-ին հիմնուեցաւ միջնադարեան Սթոքհոլմի թանգարանը: Թանգարանի տնօրէն Մարգարետա Հալերտդը ստեղծեց ժամանակակից արուեստի տեսլական թանգարան, որ մշակած է նկարիչ Քերսթին Ռիտը, որ արժանացաւ եւ ազգային, եւ միջազգային ճանաչման եւ 1986-ին արժանացաւ Տարուան եւրոպական թանգարան մրցանակին:
Թանգարանը փակուած է 15 Յունիս 2007-էն մինչեւ 2010-ի սկիզբը՝ Նորորպօ կամուրջի վերականգնման ժամանակ: Այս ժամանակահատուածին թանգարանային ցուցադրութիւնը ընդլայնուեցաւ, իսկ Սերկելստորկի (Սերկելս հրապարակ) Մշակոյթի տան մէջ (շուէտ.՝ Kulturhuset, Stockholm) միաժամանակ հասանելի էր փոքրիկ ժամանակաւոր ցուցահանդէս[1]:
Թանգարանը այցելուներուն հնարաւորութիւն կու տայ վերապրելու միջնադարեան Սթոքհոլմը իր աղիւսէ տուներով եւ տաղաւարներով, արհեստանոցներով, նաւահանգիստով եւ կախաղաններով: Այն կը պատմէ քաղաքի միջնադարեան պատմութիւնը` 1250-ականներէն մինչեւ 1520-ականները: 2010-ին Սթոքհոլմի հիմնադիր Պիրկէր Եարլի ծննդեան օրուընէ 800-ամեակը նշելու համար թանգարանին մէջ բացուած է ցուցահանդէս անորդէմքի վերակառուցմամբ[2]:
Միջնադարեան Սթոքհոլմի թանգարանը կը կազմակերպէ միջնադարեան շեշտադրմամբ թեմատիկ ցուցահանդէսներ եւ դասախօսութիւններ, սիմպոզիումներ ու ծրագրեր, կը ծաւալէ կրթական գործունէութիւն, որու ընթացքին երեխաները, երիտասարդները եւ դպրոցները կը հանդիսանան հիմնական թիրախային խումբ: Թանգարանին մէջ կայ խանութ, ուր կը վաճառեն միջնադարուն վերաբերող գիրքեր, ինչպէս նաեւ բացիկներ եւ զարդեր:
Պատկերասրահ
Խմբագրել
Ծանօթագրութիւններ
Խմբագրել- ↑ «Current information»։ The Museum of Medieval Stockholm։ արտագրուած է՝ 2007-04-08
- ↑ «Birger Jarl’s Face»։ The Museum of Medieval Stockholm։ արտագրուած է՝ 2017-05-05