Բացել գլխավոր ցանկը

Յակոբ Ս․ Անասեան

(Վերայղուած է Յակոբ Ս․Անասեան-էն)

Յակոբ Սեդրակ Անասեան (ծնած է Էսկիշեհիր, 15 Մայիս, 1904-ին: Ան մահացաւ 29 Յունուար, 1988-ին, Լոս Անճելըս): Գիտաշխատող, հմուտ պատմաբան-աղբիւրագէտ, մատենագէտ ու բանասէր:

Յակոբ Ս․ Անասեան
Ծնած է 15 Մայիս 1904(1904-05-15)
Ծննդավայր Էսկիշեհիր
Վախճանած է 29 Յունուար 1988(1988-01-29) (83 տարեկանում)
Մահուան վայր Լոս Անճելըս, Քալիֆորնիա, Ամերիկայի Միացեալ Նահանգներ
Ազգութիւն Հայ

ԿենսագրութիւնԽմբագրել

Յակոբ Սեդրակի Անասեան ծնած է Էսկիշեհիր, 15 Մայիս, 1904-ին: Ուսումը ստացած է Վենետիկի Ս. Ղազարի բարձրագոյն վարժարանին մէջ: 1947-ին ներգաղթած է Խորհրդային Հայաստան, հաստատուելով Երեւան: 1947-էն պաշտօնի կոչուած է ՀՍՍՀ Գիտութիւններու Ակադեմիայի մէջ իբրեւ գիտաշխատող: Միացեալ նահանգներ արտագաղթելով, այցելու դասախօս դարձաւ Եու.Սի.Էլ.Էյ. համալսարանի Նարեկացիի անուան հայագիտական ամպիոնին:

Յակոբ Սեդրակի Անասեան մահացաւ 29 Յունուար, 1988-ին, Լոս Անճելըս:

Գիտական Աշխատութիւններ նոր Փաստեր՝ արեւմտահայ ազատագրական շարժումներԽմբագրել

Յ. Անասեան ամբողջապէս նուիրուած է գիտական աշխատանքի: Ան հանդէս եկած է որպէս հմուտ պատմաբան-աղբիւրագէտ, մատենագէտ ու բանասէր: Իր գիտական գործունէութեան ընթացքին, Յ. Անասեան ի յայտ բերաւ 17-րդ դարու արեւմտահայ ազատագրական շարժումներու մասին նոր փաստեր:

Գիտական Աշխատութիւններ, Ուսումնասիրութիւններ եւ ՀետազօտութիւններԽմբագրել

Իր հետազօտութեանց գլխաւոր առանցքը դարձնելով 17-րդ արու ազգային-ազատագրական շարժումներն ու Լեհ-Թրքական յարաբերութիւններու պատմութիւնը՝ հրատարակեց բազմաթիւ յօդուածներ եւ ուսումնասիրութիւններ:

Բնագրագիտական ՀրապարակումներԽմբագրել

Նշանակալից են Յ. Անասեանի բնագրագիտական հրապարակումները: Ան շրջանառութեան մէջ դրաւ Բիւզանդիայի անկման շրջանին եւ 17-րդ դարու Լեհ-Թրքական յարաբերութիւններու պատմութեան վերաբերող հայկական աղբիւրները եւ Վարդան Այգեկցի-ի Արմատ Հաւատոյ երկը:

Պատմագիտական արժէքաւոր երկերԽմբագրել

Յ. Անասեանի գրչին կը պատկանին պատմագիտական արժէքաւոր երկերը: «Հայկական Մատենագիտութիւն» Ա. հատոր, Երեւան, 1959,

«Հայկական Աղբիւրներ Բիւզանդիայի Անկման Մասին» Երեւան, 1957,

«17-րդ Դար Ազատագրական Հայաստանում» Երեւան, 1961,

«Յովհաննէս Կամենացի, Պատմութիւն Պատերազմին Խութինու» Երեւան, 1964,

«Վարդան Այգեկցին՝ իր նորայայտ երկերի լոյսի տակ» Վենետիկ, 1969

ԱղբիւրներԽմբագրել

Հայկազեան Հայագիտական Հանդէս, Հատոր ԺԱ., Պէյրութ, 1991, էջ 309