Ներսիկ Իսպիրեան

Ներսիկ Աղասի Իսպիրեան (15 Մայիս 1963(1963-05-15), Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ երգիչ, երգահան, առաւելապէս յայտնի է իր հայրենասիրական կատարումներով։ ՀՀ վաստակաւոր արուեստագէտ (2011):

Ներսիկ Իսպիրեան

Կենսագրութիւն

Ծնած է Երեւան: Ուսումը ստացած է «Էրեբունի»ի թիւ 160 դպրոցին մէջ, 1987-1992 թուականներուն՝ Երեւանի Կոմիտասի անուան պետական երաժշտանոցի` միաժամանակ երգելով «Ակունք» ազգագրական համոյթին մէջ։

Երաժշտական գործունէութիւն

Ներսիկ Իսպիրեանը աւելի քան երեսուն հայրենասիրական, յեղափոխական, արցախեան ազատամարտին ու մարտիկներուն նուիրուած երգերու հեղինակ է։ Իր հանրայայտ երգերէն են՝

• «Սուրբ Մայրեր»
• «Հայոց Երկիր»
• «Ասմար Աղջիկ»
• «Վայ Նարէ Եար»
• «Երթանք Մեր Երկիրը` Մուշ»
• «Հայ Քաջեր»
• «Պիտի Գնանք Վաղ Թէ Ուշ»
• «Լերան Լանջին»
• «Արծիւ, Սլացի՛ր»
• «Հայոց Երկիր»
• «Ղարաբաղ»
• «Մշեցի Եմ»
• «Երկիր Հայրենի»
• «Երգ Կամաւորի»

Ան վերամշակած է նաեւ հին, աշուղական երգեր։ Համերգներով եղած է աշխարհի բազմաթիւ երկիրներու մէջ, հիւրընկալուելով հայկական գրեթէ բոլոր համայնքներուն մէջ։ Ան լոյս ընծայած է 13 ձայնասկաւառակ, որոնցմէ ութ ձայնասկաւառակները յեղափոխական երգեր կը պարունակեն։ Մարզական գետնի վրայ ան զբաղած է բռնցքամարտով:

Ընտանիք

Ամուսնացած է, ունի երեք զաւակ՝ Աշխէն, Արաբօ եւ Անի։

Արտաքին յղումներ

• Ներսիկ Իսպիրեանի կատարումներէն