Ռումանիոյ Արուեստի Ազգային Թանգարան

Ռումանիոյ արուեստի ազգային թանգարան (ռումMuzeul Național de Artă al României), կերպարուեստի ամենամեծ թանգարանը Ռումիանիոյ մէջ։ Տեղակայուած է Պուխարեսթի Յեղափոխութեան հրապարակին՝ նախկին թագաւորական պալատի շէնքին մէջ։ Հաւաքածոն կը ներառէ ռումանական եւ օտարերկրեայ արուեստի գործերու շուրջ 60.000 նմոյշ, որոնցմէ շուրջ 3000-ը եւրոպական արուեստի նմոյշներ են։

Ռումանիոյ Արուեստի Ազգային Թանգարան
Տեսակ Ազգային թանգարան եւ Պատկերասրահ
Երկիր  Ռումանիա
Տեղագրութիւն Պուխարեստ
Վայր Royal Palace of Bucharest?
Կը պատկանի Ministry of Culture?
Հիմնադրուած է 1948
Հաւաքածոյի չափ 70 000
44°26′23″N 26°05′46″E / 44.43978°N 26.09598°E / 44.43978; 26.09598
Կայքէջ Lua–ի սխալ՝ expandTemplate: template "ref-ro" does not exist։
Քարտէս
Քարտէս

Ռումանիոյ արուեստի ազգային թանգարանին մասնաճիւղը կը համարուի Զամպաքճեան թանգարանը:

Պատմութիւն Խմբագրել

Թանգարանը հիմնադրուած է 1950-ին։ Թանգարանին ստեղծման համար հիմք հանդիսացած է Ռումանիոյ թագաւոր Գարօլ Ա.ի (շուրջ 214 կտաւներ, անոնցմէ՝ Էլ Կրեքոյի, Ռամպրանտի, Փիթր Պրէյկէլ Աւագի, Ռուպենսի, Տոմինիքօ Վենեցիանոյի, աշխատանքներէն) հաւաքածոն։ Անիկա ընդգրկած է նմոյշներ նաեւ այլ մասնաւոր հաւաքածոներ։ 1989-ին Ռումանիոյ յեղափոխութեան ժամանակ թանգարանի շէնքը վնասուած է։ 2000-ին թանգարանին կեդրոնական շէնքին մէջ կրկին բացուած է արտասահմանեան արուեստի ցուցադրութիւնը, 2001-ին շէնքին կողքային հատուածին մէջ՝ ազգային կերպարուեստի ցուցադրութիւնը[1][2]:

Հաւաքածոյ Խմբագրել

Ազգային հաւաքածոյ Խմբագրել

Ռումանական արուեստի հաւաքածոյին մէջ ներկայացուած են կերպարուեստի ազգային հաւաքածոն, ինչպէս նաեւ սրբապատկերներ, վաղ շրջանի կտաւներ, 20-րդ դարու կերպարուեստի նմոյշներ, ինչպէս՝ Թէոտոր Ամանի, Նիքոլայէ Գրիգորեսքիի, Եոն Անտրէսքիի, Թէոտոր Պալլատիի, Մարսէլ Եանքոյի, Վիքթոր Պրաուների եւ Քորնելի Պապայի ստեղծագործութիւնները։ Յատուկ սրահներ նախատեսուած են Տիմիթրի Պաչուրիայի եւ Կոնստանդին Պրանքուզիի քանդակներուն համար։

Արտասահմանեան հաւաքածոյ Խմբագրել

Թանգարանը ունի եւրոպական արուեստի շուրջ երեք հազար նմոյշ՝ կտաւներ, քանդակներ, գծագրեալ աշխատանքներ։

Իտալական կերպարուեստի հաւաքածոյին մէջ ներառուած Տոմենիքօ Վենեցիանոյի, Յակոբօ Պասանոյի, Լորենցօ Լոտտոյի, Տինտորետտոյի, Ալեսանտրօ Մանէասքոյի, Յակոբօ Ամիկոնիի եւ Սալվատորէ Ռոզայի ստեղծագործութիւնները։

Սպանական հաւաքածոն ներկայացուած է Էլ Կրեքոյի երեք աշխատանքներով, ինչպէս նաեւ Ֆրանսիսքօ Սրբարանի եւ Ալոնսօ Քանոյի ստեղծագործութիւններով։

Հոլանտական հաւաքածոյին մէջ ներկայացուած են Եան վան Էյքի եւ Հանս Մեմլինգի, Փիթր Պրէյկել Աւագի, Փիթր Պրէյկել Կրտսերի, Փիթր Փաուլ Ռուպենսի եւ Ռեմպրանտ վան Ռէյնի աշխատանքները։

Գերմանական հաւաքածոն կը ներառէ Հանս ֆոն Աախենի, Բարթողիմէոս Ցայտպլոմի եւ Էկիտի Սատելերի ստեղծագործութիւնները։

Ֆրանսական կայսերապաշտութեան (imperialism) հաւաքածոյին մէջ ներկայացուած են Քլոտ Մոնէի, Ալֆրետ Սիսլէյի եւ Փոլ Սինեաքի ստեղծագործութիւնները։

Ռուսական գեղանկարչութեան բաժնին մէջ ներկայացուած են Իլիա Ռեպինի, Վալենդին Սերովի, Յովհաննէս Այվազովսքիի եւ Ֆիլիփ Մալէավինի աշխատանքները։

Թանգարանը ունի նաեւ զարդային կիրարական արուեստի նմոյշներ՝ հնաձեւ կահոյք, ճենապակի, գորգանկարներ եւ գորգեր։

Պատկերասրահ Խմբագրել

Ծանօթագրութիւններ Խմբագրել

  1. Muzee şi Colecţii din România
  2. Istoricul clădirii

Արտաքին յղումներ Խմբագրել