«Տիգրան Աբգարեան» խմբագրումներու միջեւ տարբերութիւն

'''Աբգարեան Տիգրան''' ծնած է [[1877]] թուականին [[Օգոստոս 2]]-ին [[Նոր Ջուղա]]յ, որդի Դաւթի: Նախնական ուսումը տեղւոյն կաթոլիկներուն վարժարանը կը ստանայ ու յետոյ Կենդրոնական ազգային դպրոցը կ՛անցնի, որուն լրիւ ընթացքը կ՛աւարտէ [[1895]] թուականին, ուր 42 տարի իբրեւ ուսուցիչ կը պաշտօնավարէ: Իբրեւ դաստիարակ մտաւորական եւ դրամշակ՝ Նոր Ջուղայի մէջ յարգըւած ու սիրուած համեստ գործիչ մը եղած է եւ շատ մը գրական, բարեգործական, թատերական եւ այլն վարչութեանց անդամ ընտրուած: [[1911]] թուականին ի վեր կը վարէ Նոր Ջուղայի [[Սուրբ Ամենափրկիչ Վանք (Նոր Ջուղա, արեւմտահայերէն)|Ս. Ամենափրկիչ վանք]]ի, Հայոց Առաջնորդարանի եւ Համայնական Խորհուրդի քարտուղարութեան եւ դիւանապետութեան պաշտօնը: Պատանի հասակէն աշխատակցած է «[[Նոր դար (թերթ, արեւմտահայերէն)|Նոր դար]]», «[[Մշակ (թերթ, արեւմտահայերէն)|Մշակ]]», «[[Մուրճ (թերթ, արեւմտահայերէն)|Մուրճ]]», «[[Ջանգ (թերթ, արեւմտահայերէն)|Ջանգ]]», «[[Նոր Ջուդայի լրաբեր (թերթ, արեւմտահայերէն)|Նոր Ջուդայի լրաբեր]]», «[[Հայաթերթ (թերթ, արեւմտահայերէն)|Հայաթերթ]]», «[[Տարազ (շաբաթաթերթ, արեւմտահայերէն)|Տարազ]]», «[[Արտեմիս (թերթ, արեւմտահայերէն)|Արտեմիս]]», «[[Հովիտ (թերթ, արեւմտահայերէն)|Հովիտ]]», «[[Վերածնունդ (թերթ, արեւմտահայերէն)|Վերածնունդ]]» եւ այլն թերթերու: Նոր Ջուղայի Հայոց դպրոցի, թատրոնի եւ տպագրութեան ու մամուլի մասին քանի մը գրքոյկներ հրատարակած է: Նոր Ջուղայի ժողովրդական բանահիւսութեան մասին ունի երկհատոր եւ շատ արժեքաւոր ուսումնասիրութիւն մը, որ անտիպ կը մնայ: 1925-ին Նոր Ջուղայի մէջ տօնուեցաւ ուսուցչական գործունէութեան 30-ամեայ յոբելեան:▼