«Ժանսեմ» խմբագրումներու միջեւ տարբերութիւն

Ժանսեմ 1922-ին հատատուած է [[Յունաստան]], [[Թեսաղոնիկէ]] քաղաքին մէջ, ուր անցուցած է մանկութիւնը․ այնուհետեւ՝ ամուսնու մահէն ետք, Ժանսեմի մայրը՝ 1931 թուականին, որդիի կոտրուած ոտքը բուժելու նպատակով կը մեկնի [[Ֆրանսա]] ու կը հաստատուի [[Փարիզ (արեւմտահայերէն)|Փարիզ]]ի Իսի-Լէ-Մուլինօ արուարձանի մէջ:

[[Փարիզ (արեւմտահայերէն)|Փարիզի]]ի զարդարուեստի բարձրագոյն դպրոցի շրջանաւարտ Ժանսեմը [[1944 թուական|1944]] թուականէն սկսեալ սկսած է իր ստեղծագործութիւնները ցուցադրելու Անկախներու սալոնին մէջ, իսկ [[1950]]ականներուն արդէն արժանացած է շարք մը մրցանակներու Ֆրանսայի, եւրոպական քանի մը այլ երկիրներու եւ [[Մեքսիքօ|Մեքսիքոյի]] մէջ: Ժանսեմ այն բացառիկ նկարիչն է, որուն կենդանութեան օրօք բացուած է իր անունը կրող երկու թանգարան՝ երկուքն ալ [[Ճափոն]]ի մէջ<ref name="aztagdaily.com"/>:

Անոր ստեղծագործութիւնները կը պահուին աշխարհի բազմաթիւ հեղինակաւոր թանգարաններուն ու մասնաւոր հաւաքածոներուն մէջ: Ստեղծագործութեան առաջին հանգրուանին անոր գործերը կրած են ազգային դրոշմ՝ «Հայուհին», «Հայկական հարսանիք», «Թաղում», եւայլն: Այդ գործերուն մէկ մասը ցուցադրուած են Փարիզի հայկական արուեստի թանգարանին մէջ: Ժանսեմ տուած է տասնեակ անհատական ցուցահանդէսներ՝ Փարիզի, [[Նիւ Եորք]]ի, [[Շիքակօ|Շիքակոյի]], [[Լոնտոն]]ի, [[Թոքիո]]յի, [[Հռոմ (արեւմտահայերէն)|Հռոմի]]ի, [[Պրիւքսէլ]]ի, [[Լօզան]]ի, [[Պէյրութ]]ի մէջ եւ այլուր։

Ֆրանսական արուեստի ցուցահանդէսին հետ անոր գործերը ներկայացուած են նաեւ Մոսկուայի մէջ: Ժանսեմ առաջին անգամ [[Հայաստան (արեւմտահայերէն)|Հայաստան]] այցելած է [[1973]]-ին: [[2001]]ին Հայաստանի Հանրապետութեան նախագահ [[Ռոպերդ Քոչարեան|Ռ. Քոչարեանի]] հրաւէրով Ժանսեմ կրկին այցելած է Հայաստան եւ [[2000]]-[[2001ին]] իր գծած «Եղեռն» շարքը՝ բաղկացած 34 կտաւներէ, նուիրած է [[Հայոց Ցեղասպանութիւն|Հայոց Ցեղասպանութեան]] թանգարանին: