«Մինաս Թէօլէօլեան» խմբագրումներու միջեւ տարբերութիւն

Աշխատակցած իսթանպուլահայ եւ սփիւրւքահայ մամուլին՝ հրապարակագրական, գրական եւ պատմական յօդուածներով եւ ուսումնասիրութիւններով։ Երիտասարդական տարիներուն խմբագրած է [[Արձան (պարբերաթերթ, արեւմտահայերէն)|Արձան]] պարբերաթերթը ([[1932]])։ Խմբագրական պաշտօններ ստանձնած է Իսթանպուլի [[Մարմարա (օրաթերթ, արեւմտահայերէն)|Մարմարա]], Հալէպի Արեւելք, Գահիրէի Յուսաբեր, եւ Պոսթընի Հայրենիք օրաթերթերուն մէջ։ Խմբագրած է Հալէպի Արեւելք Տարեգիրքը (1948)։ Հեղինակած է Հայերէն լեզուի քերականութեան դասագիրքեր։ Իր արխիւին մէջ կը գտնուին հրատարակութեան պատրաստ բազմաթիւ անտիպ գրական եւ լեզուագիտական ուսումնասիրութիւններ՝ Դաստիարակչական Ամրոցներ՝ 10–14րդ Դարերուն, Հայ Լեզուի Հոշովոյթը ՝ Ե.-Ի. Դարերուն, Միջնադարեան Հայ Բանաստեղծութիւնը, խորնրդահայ Գրականութիւնը՝ 1920-1980։ Օգտագործած է Արմէն Վանանդեան, Նոճեաց Տղան եւ Մ. Թաթուլ գրչանունները։ Իբրեւ նուիրուած կրթական մշակ եւ կուսակցական գործիչ, ապրած է.աստանդական կեանք մը [[Սուրիա]], [[Լիբանան (արեւմտահայերէն)|Լիբանան]], [[Եգիպտոս (արեւմտահայերէն)|Եգիպտոս]] եւ ԱՄՆ։