'''Պուտափեշտ''', [[Հունգարիա (արեւմտահայերէն)|Հունգարիա]]յին մայրաքաղաքն է։ Ունի 1,7 միլիոն բնակիչ, իսկ քաղաքամերձ բնակավայրերուն հետ միասին՝ 2,5 միլիոն մարդ կը հաշուէ։ Պուտափեշտը Հունգարիայի քաղաքական, առեւտրաին, երթեւեկային եւ մշակութային կեդրոնն է։ [[Դանուբ Գետ (արեւմտահայերէն)|Դանուբ գետ]]ը քաղաքը կը բաժմէ երկու հիմնական մասի. ''Պուտա'' (արեւմտեան մաս) եւ ''Փեշտ'' (արեւելեան մաս)։ Պուտան լեռնոտ եւ անտառաշատ է, իսկ Փեշտ մասը կը կազմէ Հունգարիայի Մեծ Հարթավայր։ Պուտափեշտը Եւրոպական Միութեան իններորդ բազմամարդ քաղաքն է։
Պուտայի տարածքին ապրած են Ք.Ա. 5-րդ դարէն՝ [[Կելտեր (արեւմտահայերէն)|կելտեր]]ը։ [[Հռոմէական Կայսրութիւն|Հռոմէացիներ]]ը նուաճած են կելտերու բնակավայրերը եւ ստեղծած Աքուինքըմ ([[լատիներէն]]՝ ''Aquincum'') քաղաքը, որ Հռոմէական կայսրութեան կարեւորագոյն քաղաքներէն մէկն է (Ք.Ե. 1-5 դարերուն)։ Հունգարները 9-րդ դարէն հաստատուած են այդ տարածքին։ Պուտայի ամրոցը հիմնուած է Պելա Դ․ թագաւորին կողմէն, իսկ Մաթիաս թագաւորին ժամանակ դարձած է միջազգային [[Վերածնունդ (արեւմտահայերէն)|վերածնունդ]]ի կեդրոն։ 16-17-րդ դարերուն կը գտնուէր թուրքերուն լուծին տակ, 18-19 դարերուն նորէն ծաղկում կ՛ապրէր։ 1873 թուականին Պուտա, Փեշտ եւ Օպուտա («Հին Պուտա») քաղաքներն միացան, այդ ժամանակէն ի վեր ամբողջ բնակավայրը կոչուած է Պուտափեշտ։
