'''Գամիրք''' կամ '''Կապադովկիա'''<ref name="ՏՈՒՏ">{{ՏՈՒՏ|section=II.A.3|page=51}}</ref> ([[յունարէն|յուն]]․՝ Καππαδοκία, [[լատիներէն|լատ]].՝ Cappadocia, [[թրքերէն|թրք]].՝ Kapadokya, [[պարսկերէն|պարս]]․՝ کاپادوکیه, [[հին պարսկերէն|հին պարսկ]]․՝ Huw-aspa-dahyu — «Գեղեցիկ ձիերու երկիր»), պատմական երկրամաս [[Փոքր Ասիա (Արեւմտահայերէն)|Փոքր Ասիոյ]] արեւելքը, ներկայիս [[Թուրքիա (արեւմտահայերէն)|Թուրքիոյ]] տարածքին։ Հայկական հնագոյն աղբիւրներուն մէջ կը յիշատակուի իբրեւ Գամիրքխ իսկ [[Աստուածաշունչ]]ին մէջ՝ իբրեւ Գամեր/Գոմեր։ Ըստ [[Մովսէս Խորենացի]]ի, Գամիրքը (Կապադովկիան) նուաճուած եւ միացուած էր Հայոց թագաւորութեան Հայկազեան Արամի կողմէ, ով հրամայած է տեղի բնակչութեան սորվիլ [[հայերէն]]։
== Աշխարհագրական դիրք ==
[[Պատկեր:Armenian kingdom of Sophene-Commagene.png|300px|մինի|Ծոփք-Կոմմագենէի թագաւորութիւնը]]
Ժամանակի ընթացքին Կապադովկիոյ սահմանները նկատելիօրէն փոխուած են։ Թագաւորական շրջանին (Ն.Ք. IV-I դարերուն) Կապադովկիան հարաւէն սահմանակից էր [[Կիլիկիա (արեւմտահայերէն)|Կիլիկիոյ]] (բաժնուած էին իրարմէ Տաւրոսի լեռներով), հարաւ-արեւելքէն՝ Կոմագենէին, արեւելքէն՝ Ծոփքի եւ ապա [[Մեծ Հայք (արեւմտահայերէն)|Մեծ Հայքի]]ի թագաւորութիւններուն։ Սահմանը հայ-հռոմէական առաջին պատերազմէն առաջ կ՛անցնի [[Եփրատ գետ (արեւմտահայերէն)|Եփրատի]] եւ Հալիսի ջրբաժան լեռներով՝ Եփրատ գետէն տասնեակ քիլոմեթրերով դէպի արեւմուտք, իսկ այդ պատերազմի նախօրէին կ՛անցնի Եփրատ գետով), հիւսիս-արեւելքէն՝ Փոքր Հայքին, հիւսիսէն՝ Պոնտոսին, արեւմուտքէն՝ Գաղաթիային եւ Լիկաոնիային։ Տարբեր ժամանակներու մէջ Կապադովկիայի սահմանները հիւսիսէն հասած են մինչեւ [[Սեւ ծով]]՝ ընդգրկելով, այսպէս կոչուած, Կապադովկիական Պոնտոսը։ Ժամանակակից Թուրքիոյ մէջ Կապադովկիա անուան տակ կը հասկցուի շատ աւելի փոքր տարածք՝ Նեվշեհիր նահանգը։
Կապադովկիոյ պատմական մայրաքաղաքը Մաժաք քաղաքն է, որ [[Հռոմէական Կայսրութիւն|հռոմէական]] շրջանին (Ն.Ք. Ա. դար) վերանուանուած է [[Կեսարիա (արեւմտահայերէն)|Կեսարիա]]։ Ներկայիս այն մեծ քաղաք է [[Թուրքիա (արեւմտահայերէն)|Թուրքիոյ]] մէջ՝ անուան աղաւաղուած Կայսերու տարբերակով։
