«Ակն» խմբագրումներու միջեւ տարբերութիւն

[[1300]]–[[1321]]-ին [[Անի]]էն այստեղ գաղթած հայերը հիմնադրած են իրենց թաղամասը՝ Ս. Յակոբ եկեղեցիով։ Ակնի մէջ եղած է նաեւ Անի անունով բերդ մը։ ԺԶ դարու սկիզբին Ակնը կը գրաւուի թուրքերու կողմէ։ [[1880]]-ին Ակն ունէր շուրջ 10 հազար բնակիչ, որուն մօտ 5500ը հայեր էին։ Տուները քարաշէն էին, 2-4 յարկանի։ Քաղաքը մաքուր էր, բարեկարգ, սալահատակուած փողոցներով։ Ակնցիք վարպետ արհեստաւորներ եւ առեւտրականներ էին։

 

 

3-4 [[Սեպտեմբեր]], [[1896]]–ին թուրք հրոսակները կը յարձակին Ակնի վրայ, իսկ [[քիւրտեր]]ը՝ շրջակայ հայ գիւղերուն վրայ՝ (Լիճք, Բինկեան, Զմարա, Կասմա, Ապուշեխ, Կամարակապ եւ այլ գիւղեր), կը կոտորեն բնակիչներուն, կը կողոպտեն ու կը հրդեհեն տուները։ Ականատեսի վկայութեամբ, զոհերուն թիւը կը հասնի 3000-ի։ Հետագայ երկու տասնամեակներուն հայերը կը վերաշինեն քաղաքը։ Ակնի մէջ կեանքը նորէն կ՛աշխուժանայ։

Մեծ եղեռնին Ակնը եւ շրջակայ գիւղերը կը դատարկուին հայերէ, որոնց մեծ մասը շուտով զոհ կ՛երթայ գաղթի ճանապարհին։

 

 

Ակնը մօտ 200 տարի ամիրական նշանաւոր գերդաստաններ տուած է Կ. [[Պոլիս|Պոլսոյ]] եւ [[Զմիւռնիա|Զմիւռնիոյ]]՝ (Տատեան, Ճեզայիրլեան եւ ուրիշներ) մէջ։

 

== Աղբիւրներ ==

 

[[Կատեգորիա:Արեւմտեան Հայաստանի քաղաքներ]]