«Ալիւր» խմբագրումներու միջեւ տարբերութիւն

'''Ալիւր''', հացազգի, լոբազգի եւ այլ կուլտարաներու հատիկներն ու սերմերն աղալէն ստացուող մթերք։ Հացաբոյսերու ալիւրը, կ'օգտագործուի [[հաց]], [[մակարոնեղէն]] եւ [[հրուշակեղէն]] պատրաստելու, իսկ հատիկակերային ալիւրը՝ համակցուած կեր ստանալու համար։

 

Որպէս սննդամթերք առաւել տարածուած է [[ցորեն]]ի եւ [[աշորա]]յի ալիւրը։ Ըստ նշանակութեան, ալիւրը կը ստորաբաժնուի առանձին տեսակներու։ Անոր տեսակը կը բնութագրուի հատիկի՝ աղալէն ետք ալիւրի մէջ անցած արտաքին մասերու (թաղանթի ու սաղմի) եւ ալրային միջուկի (էնդոսպերմի) հարաբերակցութեամբ։ Հացազգիներէն ալիւրը կը ստացուի միանւագ, թեփախառը եւ տեսակաւոր աղացման միջոցով։ Առաջին դէպքին մէջ, ալիւրը կը պարունակէ հատիկի պտղաթաղանթի եւ սաղմի խառնուրդ։ Երկրորդ դէպքին մէջ, հատիկը կ'աղեն անոնցմէ պտղաթաղանթն ու սաղմը մասնակիօրէն հեռացնելէն ետք։ Տեսակաւոր ալիւրը հիմնականին մէջ, բաղկացած է ալրային միջուկէն։ Ալիւրի տարբեր տեսակներու որակի որոշման համար կարեւորագոյն ցուցանիշներն են՝ խոնաւութիւնը, մոխրայնութիւնը, մասնիկներու խոշորութեանը, օրգանոլեպտիկ յատկութիւնները (համը, հոտը, գոյնը)։

 

 

== Բառի Ծագումնաբանութիւն ==