«Առած եւ Ասացուածք» խմբագրումներու միջեւ տարբերութիւն

'''Առածներն ու ասացուածքները''' ժողովուրդի բանաւոր ստեղծաքործութեան շատ հին եւ ամենատարածուած տեսակներն են : Իւրաքանչիւր ժողովուրդի խօսակցական լեզուին մէջ դարելու ընթացքին ստեղծուած ու գործուած են տասնեակ հազարաւոր առածներ ու ասացուածքներ , որոնցմէ շատերը մուտք են գործած նաեւ գրաւոր խօսքի՝ գրականութեան մէջ: Անոնց միջոցով թէ՛ բանաւոր եւ թէ՛ գրաւոր խօսքի մէջ մարդիկ իրենց միտքը աւելի արտայայտիչ ու տպաւորիչ կը դարձնեն :

Յիշենք քանի մը առածներ ու ասացուծներ : Օրինակ՝ «Մեղքը լալով , պարտքը տալով» , «Սեւն օճառն ի՞նչ ընէ , խենթը խրատն ի՞նչ ընէ» , «Ջուրն ինկողը անձրեւէն չի վախնար» , «Այսօրուան հաւկիթը վաղուան հաւէն լաւ է»:

Առածի ու ասացուածքի միջեւ կայ եւ՛ե՛ւ նմանութիւն, եւ՛ե՛ւ տարբերութիւն: Իրենց բովանդակութեամբ ու կառուցովածքով անոնք նման են , որովհետեւ երկուքնալ մեծ մասամբ պատկերաւոր եւ շատ կարճ ու իմաստալից արտայայտութիւններ կամ դարձուածքներ են . բայց եւ տարբեր են, որովհետեւ առածի արտայայտչական ձեւը այլաբանական է: Առածն այս կամ այն միտքը կ'արտայայտէ անուաղակի կերպով, որեւէ [[Այլաբանութիւն|այլաբանութեան]] միջոցով: Այսպէս օրինակ, երբ կ'ըսենք. «Յօնքը շտկելու տեղ, աչքը կը հանէ», ըսել կ'ուզենք որ ան օգուտ տալու փոխարէն վնաս կու տայ. կամ երբ կ'ըսենք.«Մէկ եզով արոր չ'ըլլար», ըսել կ'ուզենք որ մէկ մարդով գործը առաջ չ'երթար: Կարելի է յիշել նաեւ․