«Նունէ Սարգսեան» խմբագրումներու միջեւ տարբերութիւն
(Տարբերութիւն չկայ)
|
11:48, 31 Յուլիս 2020-ի տարբերակ
Նունէ Սարգսեան (26 Մարտ 1954-ին, Երեւան, Հայկական ԽՍՀ, ԽՍՀՄ), Հայաստանի նախագահ Արմէն Սարգսեանի կինը։ Արուեստաբան, գրող[1]:
Կենսագրութիւն
Նունէ Սարգսեանը ծնած է 26 Մարտ 1954-ին, Երեւան։ Աւարտած է Երեւանի պետական համալսարանի ռոմանա-գերմանական լեզուներու բաժինը։ Աշխատած է Մեսրոպ Մաշտոցի անուան հին ձեռագրերու գիտահետազօտական հիմնարկին՝ Մատենադարանին մէջ։ Աւարտած է Լոնտոնի համալսարանի Գոլդսմիթս քոլեջը եւ ստացած արուեստի մագիստրոսի կոչում: Արուեստաբանութիւն ուսանած է նաեւ Լոնտոնի Սոթբիզ ինստիտուտին մէջ: Այնուհետեւ սորված է Ուեսթմինսթեր քոլեջի նկարչական բաժնին մէջ:
Հեղինակ է ժամանակակից արուեստի, մշակոյթի եւ երաժշտութեան գործիչներու մասին բազմաթիւ յօդուածներու եւ ակնարկներու, որոնք տպագրուած են Հայաստանի, ԱՄՆ-ի, եւրոպական տարբեր երկիրներու մէջ: Կազմակերպած է բազմաթիւ ցուցահանդէսներ, ինչպէս նաեւ դասական երաժշտութեան համերգներ տարբեր համերգասրահներու մէջ:
Հեղինակ է երկու տասնեակից աւելի մանկական գիրքերու՝ հայերէն, ռուսերէն եւ անգլերէն լեզուներով: Անոր հեքիաթները լոյս տեսած են ոչ միայն արեւելահայերէնով ու արեւմտահայերէնով, այլ նաեւ՝ Արցախի, Գաւառի, Գիւմրիի բարբառներով:
Նունէ Սարգսեանը ԵՈՒՆԻՍԷՖ-ի կողմէ նշանակուած է երեխաներու իրաւունքներու արտակարգ պաշտպան:
Ստեղծագործութիւններ
Դեռեւս համալսարանական տարիներէն յօդուածներ կը գրէ արուեստի, երաժշտութեան եւ մշակոյթի մասին, ինչպէս նաեւ հեքիաթներ ու պատմութիւններ երեխաներու համար: Իր ստեղծագործութիւններուն մէջ Նունէ Սարգսեանը կ՚արտայայտէ իր անսահման սէրը մանուկներուն հանդէպ: Անոր պատմութիւնները կը «քարոզեն» արդարութիւն, ազնուութիւն եւ բարութիւն, կը գրուին արեւելահայերէնով ու արեւմտահայերէնով, անգլերէնով ու ռուսերէնով, նաեւ՝ բարբառներով եւ որպէս նուէրներ՝ կը բաժանուին երեխաներուն[1]:
- Թզուկ-մզուկ
- Սադափ
- Հերոսներ
- Երեք վիշապներ
- Վիշապ Նեսին
- Նռան հատիկներ
- Թագաւորն ու վիշապը
- Քաչալ ոզնին
- Թէ ինչպէս փղիկը ճիշտ շնչել սովորեց
- Կափիղկա
- Դաւիթ, Հայկ եւ Բազիլիսկուս
- The Magic Buttons, ISBN 9780704373839
Ընտանիք
1978 -ին ամուսնացած է Արմէն Սարգսեանի հետ: Ունի երկու որդի՝ Վարդան եւ Հայկ Սարգսեանները, երեք թոռնիկ[2]: