«Շիրակի մարզ» խմբագրումներու միջեւ տարբերութիւն
Նոր էջ «մինի|Շիրակի մարզային քարտէս|354x354փքս Պատկեր:Gyumri in 2013, from the Vartanants square.jpg|մին...»: Պիտակ: Տեսողական խմբագրիչը անջատուած է |
(Տարբերութիւն չկայ)
|
17:48, 28 Հոկտեմբեր 2020-ի տարբերակ
Շիրակի մարզ, մարզի կարգավիճակ ունեցող վարչատարածքային միաւոր Հայաստանի մէջ: Վարչական կեդրոնը Գիւմրի քաղաքն է։ Պետական սահմանով արեւմուտքէն սահմանակից է Թուրքիոյ, հիւսիսէն՝ Վրաստանին, արեւելքէն սահմանակից է՝ Հայաստանի Լոռի մարզին եւ հարաւէն՝ Հայաստանի Արագածոտնի մարզին։ Կը գտնուի Հայ Առաքելական Եկեղեցւոյ Շիրակի թեմի հովուապետութեան հովանիին տակ (առաջնորդարանը՝ քաղաք Գիւմրիի մէջ), սակայն մարզին տարածքին կան զգալի թիւով կաթոլիկ հայեր, ինչպէս նաեւ կաթոլիկ գիւղեր։
Աշխարհագրութիւն
Մարզին տարածքին կը գտնուի Արփի լիճ-ջրամբարը, Ախուրեան ջրամբարին հայկական հատուածը եւ Մանթաշի ջրամբարը։ Շիրակի մարզին կեդրոնական եւ հարաւային հատուածին մէջ կը տարածուի Շիրակի դաշտը, իսկ հիւսիսային շրջանին մէջ՝ Աշոցքի սարահարթը, միաժամանակ Շիրակի մարզին մէջ կը տարածուին Փամբակի եւ Բազումի լեռնաշղթաներուն, Եղնախաղի, Ջաւախքի լեռներու եւ Արագածի լեռնազանգուածներուն մէկ մասը։ Տարածքը ընդհանուր առմամբ ունի համեմատաբար միատարր հրաբխային կազմութիւն: Հայկական լեռնաշխարհին հետ միասին մարզին տարածքը անցած է երկրաբանական զարգացման բարդ ուղի մը: [1]: Քանի մը հանգրուանով հանդէս եկած սառցապատումներու ներգործութեամբ Արագածի, Ջաւախքի, Եղնախաղի լեռներու բարձր մասերուն մէջ յառաջացած են կրկէսանման գոգաւորութիւններ, տաշտականման լայն հովիտներ: Սառցադաշտերու հալոցքային ջուրերը լեռներու լանջերուն և ստորոտներուն գոյացած են սառցադաշտաջրաբերուկային կուտակումներ[1]: