«Վանաձոր» խմբագրումներու միջեւ տարբերութիւն

Վանաձոր կը գտնուի [[ՓամբակՓամպակի լեռնաշղթայ|Փամպակի]] եւ [[Բազում|Բազումի]] լեռնաշղթաներուն միջեւ ինկած նեղ ու երկար գոգաւորութեան մէջ՝ [[Փամբակ|Փամպակ]] եւ [[Տանձուտ (Փամբակի վտակ)|Տանձուտ]] գետերու միախառնման վայրին մէջ։ Քաղաքէն կ'անցնի [[Թիֆլիս]]-[[Գիւմրի]] երկաթուղին, ինչպէս նաեւ քանի մը ինքնաշարժի խճուղիներ։ [[Ծով]]ու մակերեւոյթէն 1350 մ բարձր է։ Քաղաքին մէջէն կը հոսին [[Փամբակ|Փամպակ]], [[Տանձուտ (Փամբակի վտակ)|Տանձուտ]] եւ [[Վանաձոր գետ|Վանաձոր]] գետերը։ Քաղաքը ունի մեղմ, բարեխառն կլիմայ։ Վանաձորը եւ անոր շրջակայքը հարուստ են հնագիտական յուշարձաններով։ Օրինակ՝ քաղաքին արեւելեան մասին մէջ՝ Տանձուտ գետի աջ ափին (Դիմաց թաղամաս) գտնուած են վաղ [[պրոնզի դարաշրջան]]էն (Ք.ա.4-րդ հազարամեակ) վաղ հայկական շրջանին (Ք.ա. 6-5-րդ դարեր) վերաբերող բնակատեղիներ եւ այլ յուշարձաններ, որոնցմէ յատկապէս արժէքաւոր են [[Թագաւորանիստ]]ը եւ [[Մաշտոցի բլուր]]ը՝ իրենց դամբարաններով։ Կ'ենթադրուի, որ նախկին Ղարաքիլիսա (սեւ եկեղեցի) անուանումը թաթարական է եւ դրուած է [[ԺԳ. դար]]ու սկիզբը ներկայիս Վանաձորի հիւսիսային բլուրին վրայի սեւ քարէ եկեղեցւոյ անունով։ [[Խաչատուր Աբովեան|Խաչատուր Աբովեանի]] վկայութեամբ տեղացիները գաղթած են [[Երեւան]]էն։