«Աշոտ Գ. Ողորմած» խմբագրումներու միջեւ տարբերութիւն

{{Տեղեկաքարտ Անձ}}

'''Աշոտ Գ. Ողորմած''' (ծննդեան թուականը անյայտ է՝ շուրջ 905-977 թուականներ) Հայոց թագաւոր 953-էն։ Յաջորդած է հօրը՝ [[Աբաս Ա. Բագրատունի]]։ Աշոտ Գ.-ի թագաւորութեան տարիներուն Հայաստան տնտեսական եւ մշակութային վերելք ապրած է եւ երկրին մէջ համեմատաբար խաղաղ իրավիճակ մը տիրած է։ 953-ին փորձած է [[Դուին|Դուինը]] ազատագրել արաբներէն, բայց յաջողութիւն չէ գտած։ 961-ին արքունիքը [[Կարս]]էն տեղափոխած է [[Անի Քաղաք|Անի]], զոր պարսպապատած է, կառուցել տուած է պալատներ եւ այլ շինութիւններ եւ զայն հռչակած՝ Հայաստանի մայրաքաղաք։ Աշոտ Գ. յաջողութեամբ ետ մղած է [[Կովկաս|Կովկասի]] լեռնականներն ու [[Աղձնիք]]<nowiki/>ի արաբ ամիրային յարձակումները։ 973-ին 80 հազարնոց բանակով մը յարձակած է [[Տարօն|Տարօնի]] ճամբով դէպի [[Միջագետք]] արշաւող բիւզանդական զօրքերուն դէմ՝ հեռացնելով [[Հայաստան|Հայաստանին]] սպառնացող վտանգը։ [[Յովհան Չմշկիկ]] կայսեր առաջարկով հաշտութիւն կնքուած է Հայաստանի եւ Բիւզանդիոնի միջեւ։ Աշոտ Գ.-ի օրով Հայաստանի մէջ ընդարձակուած են հին քաղաքները եւ կառուցուած՝ նորերը։ Անոր կինը՝ [[Խոսրովանուշ]] թագուհին, 966-ին հիմնած է [[Սանահինի Վանք|Սանահինի վանքը]], իսկ 976-ին՝ [[Հաղբատի Վանք|Հաղբատի]] վանքը, որոնք շուտով գիտակրթական կեդրոններ դարձած են։ Աշոտ Գ. երկրին գլխաւոր քաղաքներուն մէջ բացած է դպրոցներ, հիւանդանոցներ, անկելանոցներ, անոնց պահպանման համար յատկացուցած է որոշ եկամուտներ։ Աշոտ Գ. «բարեգործ էր», որու համար ալ կոչուած է «Ողորմած»։

== «Ողորմած» անուանումը ==