'''Սմբատ Մկրտչի Գաբրիէլեան''' ({{ԱԾ}}), հայ բանասէր, բժիշկ, հանրային գործիչ ([[ԱՄՆ]])։
[[1891]]-[[1898]] թթ․թուականներուն խմբագրած է [[Նիւ Եորք]]ի հրատարակուող «Հայք» ազգային, գրական-քաղաքական հանդէսը, ուր հրապարակուած են նիւթեր՝ հայկական հարցի վերաբերեալ, եւրոպական եւ ամերիկեան մամուլի արձագանքները Թուրքիոյ մէջ՝ հայ բնակչութեան կացութեան մասին, լուսաբանուած է ԱՄՆ-ի հայ համայնքներու կեանքը։ [[1895]] թուականին ընտրուած է «Հայերու հայրենասիրական դաշնակցութեան» նախագահ, որուն նպատակն էր՝ տէրութիւններու աջակցութեամբ, օգնել Արեւմտեան Հայաստանի ազատագրման թուրքական բռնատիրութենէն։ «Հայերը կամ Արարատի ժողովուրդը» ([[1892]], [[անգլերէն]]), «Փաստեր Հայաստանի մասին»[[1895|(1895]], անգլերէն), «Քրիստոնեայ Հայաստանը եւ քրիստոնեայ տէրութիւնները» ([[1897]], անգլերէն), «Արիւնաքամ Հայաստանը, անոր պատմութիւնն ու սարսափները» ([[1896]], անգլերէն], «Հայաստան՝ նահատակ ազգ» ([[1918]], անգլերէն) երկերուն մէջ Գաբրիէլեան ամերիկացի ընթերցողին ծանօթացուցած է հայ ժողովուրդի պատմութիւնը, արեւմտահայերու ծանր վիճակը, [[1894]]-[[1896]]-ի ջարդերու ու կոտորածներու փաստերը, [[1915]]-[[1916]]-ի հայերու տեղահանութիւնն ու ցեղասպանութիւնը, տէրութիւններու քաղաքականութիւնը Հայկական Հարցին մէջ։
