«Գիտութիւն» խմբագրումներու միջեւ տարբերութիւն

{{ԱՀ}}

'''Գիտութիւնը''' ճանաչողական գործունէութեան յատուկ տեսակ է՝ ուղղուած բնութեան, հասարակութեան եւ մտածելակերպի վերաբերեալ ''օպճեգթիւ'' համակարգուած գիտելիքներու ստացման, ճշդման եւ ստեղծման:

 

== Ջուր ==

Ջուրը աշխարհին վրայ ամէնէն տարածուած բաղադրութիւնն է: Երկրագունդին մակերեսին 70 տոկոսը ծածկուած է ջուրով: Զուտ ջուրը անգոյն, անհոտ եւ անհամ հեղուկ մըն է: Մեր խմածը յաճախ թեթեւ համ մը ունի, որովհետեւ կը պարունակէ կարգ մը հանքային աղեր եւ լուծուած կազեր: Ջուրը սքանչելի լուծիչ մըն է. կարող է շատ մը հաստատուն մարմիններ իր մէջ լուծել:

 

 

=== Հիտրոելեկտրականութիւն ===

 

Ելեկտրականութիւն կարելի է արտադրել ջուրէն, շնորհիւ ջրանիւներու վրայ բանեցուած անոր մղումի ուժին. այս՝ հիտրոելեկտրականութիւն կոչուող ուժանիւթն է: Կը կառուցուի գետին հոսքը ընդմիջող հսկայական ամբարտակ մը: Ջուրը բարձունքէ մը գահավիժելով՝ կը դարձնէ ելեկտրակային ջրանիւները, որոնց շարժումը կը փոխանցուի ելեկտրականութիւն արտադրող սարքածներու:

 

== Լոյս ==

 

Արեւուն լոյսը սպիտակ կ'երեւի, սակայն իրականութեան մէջ բազմաթիւ գոյներէ կը բաղկանայ: Լոյսը մեզի կը հայթայթէ անհրաժեշտ ջերմութիւն: Առանց լոյսի, կեանք գոյութիւն պիտի չունենար աշխարհի վրայ:

 

=== Շուքեր ===

 

Երբ լոյսը իյնայ անթափանց մարմինի մը վրայ, շուք մը կը գոյանայ մարմինին ետեւը, հո՛ն, ուր լոյսը չի կրնար թափանցել:

 

=== Ծիածան կամ Ծիրանի Գօտի ===

Արեւուն լոյսը, հակառակ ճերմակ երեւնալուն, կը պարունակէ Ծիածանին բոլոր գոյները: Երբ տեղ մը կ'անձրեւէ եւ մօտակայ շրջանի մը մէջ արեւը կ'երեւի, ճառագայթները կը տարբաղադրուին անցնելով կաթիլներու ընդմէջէն եւ կը ստանան կարմիր, նարնջագոյն, դեղին, կանաչ, կապոյտ, լեղկագոյն եւ մանիշակագոյն գոյները: Այսպէսով, երկինքի մէջ կը ստացուի գունաւոր գունաւոր հսկայ կամար մը, որ կը կոչուի Ծիածան կամ Ծիրանի գօտի:

 

 

== Աղբիւրներ ==