«Անուշաւան Արք. Դանիէլեան» խմբագրումներու միջեւ տարբերութիւն

«Մեր Հայրերը կը խօսին» մատենաշարի հաստատումով , հայր Սուրբը յաջորդաբար աշխարհաբարի կը վերածէ Ներսէս Շնորհալիի «Թուղթ Ընդհանրական»-ը, [[Բարսեղ Մաշկեւորցի]]ի «Յորդորակներ»-ը, [[Յովհան Երզնկացի]]ի «Խրատ Բոլոր Քրիստոնեաներուն»-ը:

Իր կոթողական գործը կ'ըլլայ Խորէն Ա. Կաթողիկոսի յանձնարարութեամբ ՝ պատրաստել [[«Մեծի տանն Կիլիկիոյ Կաթողիկոսութեան Ձեռագիրներու Յուցակ»-ը:]]

Թարգմանութեանց առընթեր, ան աշխատակցած է [[«ՀԱՍԿ»]] Հայագիտական տարեգրքին ու «ՀԱՍԿ» պաշտօնաթերթին, [[«Հայկազեան» Հայագիտական տարեգիրք|«Հայկազեան» Հայագիտական տարեգրքին]], [[«N.E.S.T.»]] աստուածուածաբանական պարբերագրին: Վերոյիշեալ աշխատանքներուն զուգահեռ, ան կը շարունակէ իր բարձրագոյն կրթութիւնը Հայկազեան Քոլէճ՝ հետեւելով Հոգեբանութեան, իսկ Մերձաւոր Արեւելքի Աստուածաբանական ճեմարանը՝ (N.E.S.T.) , ուրկէ կը ստանայ Մագիստրոս Աստուածաբանութեան աստիճանը (M.Div.), աւարտաճառի նիւթ ներկայացնելով ՝«Մարկոսի Աւետարանի քննական բնագիրը՝ հայկական հնագոյն 3 ձեռագիրներու բաղդատումով»:

1984- 1991, ստանձնած է քարոզիչի պարտականութիւն՝ Ֆիլատելֆիոյ Ս. Գրիգոր Լուսաւորիչ Եկեղեցւոյ , Նիու Ճըրզիի Վարդանանց Եկեղեցւոյ եւ Պէյսայտի Ս. Սարգիս Եկեղեցւոյ մէջ: Ան հաստատած է Ս.Գրքի սերտողութեան պահեր , կազմակերպած է Երիտասարդական սեմինարներ ու դասախօսական շարքեր եւ հիմնած է «Շարական» երգչախումբը: