«Սարգիս Մինասեան» խմբագրումներու միջեւ տարբերութիւն

'''Սարգիս Մինասեան''' (ծնած է [[1873]]-ին, [[Չենկիլեր (արեւմտահայերէն)|Չենկիլեր]]), խմբագիր եւ մանկավարժ։ Գրական ծածկանունն է Արամ Աշոտ։ Պարտիզակի բարձրագոյն վարժարանէն կ'անցնի Կեդրոնական վարժարան եւ կ'աւարտէ զայն։ Բացառիկ կարողութեան շնորհիւ Հրանդի աջակցութեամբ [[1894]]-ին կը մեկնի Ժընեւ, ուր կը հետեւի քաղաքական եւ ընկերային գիտութիւններու մինչեւ [[1903]] թուականը։ Երկար ատեն կ'աշխատակցի [[«Դրօշակ» պարբերաթերթ]]ին։ Կ'անցնի Ամերիկա եւ կը վարէ [[Հայրենիք թերթ|«Հայրենիք» թերթ]]ի խմբագրութիւնը։ [[1905]]-ին կը վերադառնայ Ժընեւ, ուր կը մնայ մինչեւ [[1909]]։ Ապա կ'անցնի Պոլիս եւ կը զբաղի ուսուցչութեամբ ու գրականութեամբ։ Հմուտ եղած է ֆրանսերէն լեզուին։ Աւարտած է ֆրանսերէն-հայերէն բառարանի մը աշխատութիւնը, որ սակայն մնացած է ձեռագիր։ Ժընեւի մէջ անանուն հրատարակած է [[Սերոբ Աղբիւր]]ի կենսագրականը։