Գէորգ Աճեմեան (18 Փետրուար 1932(1932-02-18)[1][2], Մունպուճ, Հալէպի Նահանգ, Սուրիա[1][2] - 27 Դեկտեմբեր 1998(1998-12-27)[3] կամ 31 Դեկտեմբեր 1998(1998-12-31)[2], Լիոն[2]), հայ գրող, հրապարակախօս եւ Հայաստանի Ազատագրութեան Հայ Գաղտնի Բանակի հիմնադիրներէն մին։

Գէորգ Աճեմեան
Ծնած է 18 Փետրուար 1932(1932-02-18)[1][2]
Ծննդավայր Մունպուճ, Հալէպի Նահանգ, Սուրիա[1][2]
Մահացած է 27 Դեկտեմբեր 1998(1998-12-27)[3] (66 տարեկանին) կամ 31 Դեկտեմբեր 1998(1998-12-31)[2] (66 տարեկանին)
Մահուան վայր Լիոն[2]
Քաղաքացիութիւն  Սուրիոյ եւ Լիբանանի ֆրանսական մանտադ
 Լիբանան
Ազգութիւն Հայ[1][2]
Ուսումնավայր Հայկազեան Ազգային Վարժարան[1]
Կյուլլապի Կյուլպենկյան վարժարան?[1]
Պէյրութի Ամերիկեան Համալսարան[1]
Տեսակ բանաստեղծութիւն եւ narrative poetry?
Մասնագիտութիւն գրագէտ
Աշխատավայր Սփիւռք?
Անդամութիւն Հայաստանի Ազատագրութեան Հայ Գաղտնի Բանակ

Կենսագրութիւն Խմբագրել

Ծնած է Սուրիա, Եղեռնէն մազապուրծ եղած սասունցիներու ընտանիքի մը մէջ։ Նախակրթութիւնը ստանալէ ետք Հալէպի Հայկազեան եւ Կիւլպէնկեան վարժարաններուն մէջ, միջնակարգ եւ երկրորդական ուսման հետեւած է Հալէպի ամերիկեան «Ալեփփօ Գոլէճ»ի մէջ։ Մասնագիտական պատրաստութիւնը ստացած է Պէյրութի Ամերիկեան համալսարանին մէջ, 1958-ին վկայուելով իբրեւ պսակաւոր արուեստից։

Գրական վաստակ Խմբագրել

Աշխատակցած է Միջին Արեւելքի առօրեայ թէ պարբերական մամուլին, ու Սիմոն Սիմոնեանէն ետք խմբագիր եղած է «Սփիւռք» շաբաթաթերթին։ Ան գրական իր արձակին, գրադատական թէ քննական տեսութիւններու, ինչպէս նաեւ հրապարակագրային բնոյթ ունեցող յօդուածներու մէջ անկախ դատումի եւ աննախապաշար արժեւորումի տրամադիր գրչի մարդն եղած է։

Պատմուածքներն եւ վէպեր Խմբագրել

1956-1983-ին անջատ հատորներով հրատարակուած են իր պատմուածքներն ու վէպերը՝

  • «Անկարելի պատմութիւն»՝ 1956,
  • «Օրերէն ետք»՝ 1958,
  • «Անորոշութեամբ եւ մասամբ նորին»՝ 1959,
  • «Անապահովութեան փողոցներ»՝ 1964,
  • «Պիտի չարչարեմ բառերը»՝ 1967,
  • «Ակամայ ծաղրածուն եւ այլ դերասաններ»՝ 1968,
  • «Յաւերժական ճանապարհ»՝ 1975,
  • «Ապագայի հետքերով»՝ 1982,
  • «Յարդագողի ժառանգորդները»՝ 1983։

Քննադատական եւ գրական-վերլուծական տեսութիւններ Խմբագրել

Քննադատական եւ գրական-վերլուծական իր տեսութիւնները երկու հատորներով հրատարակուած են 1962-ին եւ 1980-ին՝ «Տեսական-քննադատական փորձեր» անունին տակ։

Հրապարակագրական հատորներ Խմբագրել

Հրատարակած է հրապարակագրական երեք հատորներ՝ «Միակ լուծումը» (1972), «Քաղաքական իրապաշտութի՞ւն, թէ անձնատուութեան պատրաստութիւն» (1992), «Պիտի յիշե՞նք երբեւէ Արեւմտեան Հայաստանը» (1998)։

Անգլերէն հատորներ Խմբագրել

Լոյս ընծայած է նաեւ չորս հատոր անգլերէնով՝ "Symphony in Discord" (1962), "The Fallacy of Modern Politics" (1966), "A Time of Terror" (1997), "Ruling over the Ruins" (1998)։

Սփիւռքահայ գրականութեան նշանաւոր դեմքերէն է։

Գրականութիւն Խմբագրել

  • «Պիտի Յիշենք Երբեւիցէ Արեւմտեան Հայաստանը», Պէյրութ, 1998։
  • Rulling over the Ruins, USA, 1999։
  • A Time for Terror, USA, 2000։

Աղբիւրներ Խմբագրել

  • Դար Մը Գրականութիւն, Մինաս Թէօլէօլեան, Բ. հատոր, Ամերիկայի Միացեալ Նահանգներ 1977, էջ 487-488:

Ծանօթագրութիւններ Խմբագրել

Արտաքին յղումներ Խմբագրել