Գրիգոր Սահեան
Գրիգոր Սահեան, (1870, Կոստանդնուպոլիս - 27 Յունուար 1921, Ռուսէ, Պուլկարիա), հայ բժիշկ, ազգային եւ հասարակական գործիչ։
 | |
|---|---|
| Ծնած է | 1870 |
| Ծննդավայր | Կոստանդնուպոլիս |
| Մահացած է | 27 Յունուար 1921 |
| Մահուան վայր | Ռուսէ, Պուլկարիա |
| Մահուան պատճառ | արեան թունաւորում |
| Կրթութիւն | Փարիզի Համալսարան |
| Մասնագիտութիւն | բժիշկ, հասարակական գործիչ |
Կենսագրութիւն Խմբագրել
Ծնած է մոտաւորապէս 1870 թուականին՝ Կոստանդնուպոլիս։ 1894 թ. աւարտած է Փարիզի համալսարանի բժշկական բաժինը։ 1896 - 1900 թուականներուն ապրած եւ որպէս բժիշկ աշխատած՝ Պուլկարիա։
1900 թուականին վերադարձած է Կ. Պոլիս։ Կ. Պոլսոյ մէջ հետապնդումներու ենթարկուելուն պատճառով՝ փախած է Օտեսա, ուրկէ ալ՝ Կովկաս, ապա՝ Մոսկուա։ 1902 թուականին տեղափոխուած եւ հաստատուած է Պուլկարիոյի Ռուսջուք քաղաքին մէջ։ Զբաղած է՝ դէպի երկիր, զէնք տեղափոխելու աշխատանքով։ 1906 թուականին եղած է Կ. Պոլսոյ՝ «Եըլտըզի Պոմպայի» մահափորձի կազմակերպիչներէն մէկը։ 1919 թուականին, մասնակցած է Փարիզի Ազգային համագումարին։ Եղած է գերազանցապէս գաղափարապաշտ ու անձնուէր գործիչ։ Ունեցած է նաեւ ազգային-հասարակական աշխոյժ գործունեութիւն։ 1919 թուականին, եղած է Փարիզի Ազգային համագումարին մասնակցած պուլկարահայ գաղութի երկու պատգամաւորներէն մէկը։
Մահացած է 1921 թուականի Յունուար 27-ին, Ռուսջուք քաղաքին մէջ, արեան թունաւորումէ։
Գրականութիւն Խմբագրել
- Թէոդիկ, Անդարձ մեկնողք, Կ. Պոլիս, 1922։
- Գէորգեան Կարօ, Ամէնուն Տարեգիրքը, Պէյրութ, 1962։
Աղբիւր Խմբագրել
- Յարութիւն Մինասեան, Օսմանեան կայսրութիւնում եւ Թուրքիայի Հանրապետութիւնում բռնաճնշումների եւ ցեղասպանութեան ենթարկւած հայ բժիշկներ, Երեւան, «Լուսաբաց», 2014 — 520 էջ։