Հայկանոյշ Մառք

Հայկանոյշ Մառք (14 Փետրուար 1885(1885-02-14), Այասփաշա, Օսմանեան Կայսրութիւն - 7 Մարտ 1966(1966-03-07), Պոլիս, Թուրքիա), հայ գրագիտուհի։

Հայկանոյշ Մառք
Ծննդեան անուն	Հայկանուշ Թոփուզեան
Ծնած է	14 Փետրուար 1885(1885-02-14)
Ծննդավայր	Այասփաշա, Օսմանեան Կայսրութիւն
Մահացած է	7 Մարտ 1966(1966-03-07) (81 տարեկանին)
Մահուան վայր	Պոլիս, Թուրքիա
Քաղաքացիութիւն	Օսմանեան Կայսրութիւն  Թուրքիա
Կրօնք	Հայ Առաքելական Եկեղեցի
Ուսումնավայր	Էսայեան Վարժարան
Մասնագիտութիւն	գրագէտ, հասարակական գործիչ, հրապարակախօս, բանաստեղծուհի, արձակագիր
Աշխատավայր	Ծաղիկ Արշալոյս
Ամուսին	Վահան Թօշիկեան

Կենսագրութիւն

Ծնած եւ մահացած է Իսթանպուլ։ Յաճախած է Այասբաշայի վարպետ-տուտու վարժանոցը, Սէօրերու եւ էսայեան վարժարանները։ Ոսուցչագործած է Ազգային Հիւանդանոց եւ Նիկողոսեան Աղջկանց բարձրագոյն վարժարաններուն մէջ։ Աշխատակցած է Իսթանպուլահայ եւ Զմիւռնիայ մամուլին, բանաստեղծութիւններով, պատմուածքներով, նորավէպերով, դիմաստուերներով եւ թարգմանութիւններով։ Իր ամուսնոյն՝ գրագէտ Վահան Թոշիկեանի հետ հիմնած եւ խմբագրած է «Ծաղիկ Կանանց» յատուկ կնոջական թերթը (1905-08), եւ ապա մաս կազմած է «Լոյս Կանանց Յատուկ» շաբաթաթերթի խմբագրական կազմին (1907-11)։ 1919-33 թուականներուն կը հրատարակէ եւ կը խմբագրէ «Հայ Կին» կնոջական կիսամեայ հանդէսը։ Ամուսնոյն հրատարակած Նոր լուրի մէջ կը հաստատէ եւ կը խմբագրէ կնոջական էջ մը։ Ունի անտիպ թարգմանութիւններ Միւսէյէ, Հիւկոյէ, Բրիւտոմէ, ժերալտիէ եւ Թրիկվէէ։

Հրատարակուած Գործեր

• Ծուլութեան պահերէս (բանաստեղծութիւն) - Իսթանպուլ– 1921։
• Զապէլ Ասատուր (Սիպիլ). Կեանքն Ու Գործունէութիւնը (բանախօսութիւն) - Իսթանպուլ, 1949։
• Զարուհի Գալէմքեարեան (Կեանքն Ու Գործունէութիւնը) (բանախօսութիւն) - Իսթանպուլ, 1950։
• Յիսնամեայ Յոբելեանի Տիկնանց Յանձնախումբի խմբագրութեամբ, Հայկանոյշ Մաոք «Կեանքն Ու Գործը» (մամուլի մէջ ցրուած էջերէ հատընտիր) - Իսթանպուլ, 1954։