Մինսք (պելառուսերէն՝ Мінск, մինչեւ 1939 թուականը՝ Մենսք[1]), Պելառուսի մայրաքաղաքը, Մինսքի մարզի եւ Մինսքի շրջանի վարչական կեդրոն, սակայն չի մտներ իրենց կազմին մէջ, հերոս-քաղաք։ Խոշորագոյն փոխադրական հանգոյցը, երկրի քաղաքական, տնտեսական, մշակութային եւ գիտական կեդրոն է։

Մինսք

Մինսքի մէջ կը գտնուի ԱՊՀ-ի գլխաւոր գրասենեակը։ Քաղաքը կը գտնուի երկրի աշխարհագրական կեդրոնին մօտ եւ կը գտնուի Սվիսլոչ գետի ափին։ 2010 թուականի Յունիս 25-էն Մինսքի քաղաքապետ նշակուած է Նիկոլայի Ալեքսանդրի Լադուտկոն[2]։

Պատմութիւն Խմբագրել

Առաջին անգամ Մինսքը կը յիշատակուի 1067 թուականին, որպէս ամրոց։ 12-րդ դարէն սկսեալ եղած է Մինսքի իշխանութեան կեդրոնը, 14-րդ դարէն՝ Լիթվանիոյ մեծ իշխանութեան կազմին մէջ։ 1499 թուականին քաղաքին տրուած է մակտեպուրկեան իրաւունք, 14-րդ դարէն դարձած է Մինսքի վոյվոտութեան կեդրոնը։ 1793 թուականէն մտած է Ռուսական կայսրութեան մէջ, 1796 թուականէն Մինսքի նահանգի կեդրոնն էր։

1898 թուականի Մարտ 1-3-ը Մինսքի մէջ կայացած է ՌՍԴԲԿ 1-ին համագումարը։

1915 թուականէն՝ ճակատամերձ քաղաք, ուր տեղաւորուած էր Արեւմտեան ռազմաճակատի շտապը։ Խորհրդային իշխանութիւն Մինսքի մէջ հաստատուած է 1917 թուականի Հոկտեմբեր 25 (Նոյեմբեր 7)-ին։ 1941 թուականի Յունիս 28-էն 1944 թուականի Յուլիսի 9-ը գրաւած են գերմանական ֆաշիստները։

1946-1950 թթ.-ին Մինսքը վերականգնուած է։

Ծանօթագրութիւններ Խմբագրել

Արտաքին յղումներ Խմբագրել