Մկրտիչ Շահէն Հաճեան (11 Յունուար 1915(1915-01-11), Պոլիս, Օսմանեան Կայսրութիւն - 25 Նոյեմբեր 1985(1985-11-25)[1], Մեքսիքօ Սիթի, Մեքսիքօ), գրող, գիւտարար, երաժշտութեան քննադատ, նկարիչ[2]։

Մկրտիչ Հաճեան
Ծնած է 11 Յունուար 1915(1915-01-11)
Ծննդավայր Պոլիս, Օսմանեան Կայսրութիւն
Մահացած է 25 Նոյեմբեր 1985(1985-11-25)[1] (70 տարեկանին)
Մահուան վայր Մեքսիքօ Սիթի, Մեքսիքօ
Քաղաքացիութիւն  Թուրքիա
 Ֆրանսա
Կրթութիւն Ազգային Կեդրոնական Վարժարան
Մասնագիտութնիւն գրագէտ, գեղանկարիչ, երաժշտական քննադատ, գիւտարար

Կեանք եւ գործունէութիւն Խմբագրել

Աւարտած է Կ. Պոլսոյ Կեդրոնական վարժարանը (1933) եւ Իսթանպուլի համալսարանի դեղագործական ճիւղը (1938)։

1952-1957 թուականներուն ապրած է Ֆրանսա, ապա հաստատուած՝ Մեքսիքօ։ 1959-ին Փարիզի մէջ մասնակցած է պետական քննութիւններու եւ ստացած՝ երաժշտական քննադատի վկայական։ Մեքսիքոյի մէջ կազմակերպած է արհեստական մարմարի արտադրութիւն (քիմիական եղանակով արհեստական մարմար ստանալու գիւտը Հաճեանին կը պատկանի)։

Աշխատութիւններ Խմբագրել

Թատերախաղեր Խմբագրել

Գրած «Կնատեացը» (1949) եւ «Աստղահարը» (1982, Ալեք Մանուկեան մշակութային հիմնադրամի թատերական մրցանակ) թատերախաղերը։

Ժողովածուներ Խմբագրել

Լոյս ընծայած է «Բոցեր» (1973) եւ «Հողէն երկինք» (1977) քերթուածներու ժողովածուները, որոնք արժանացած են «Ալեք Մանուկեան» մշակութային հիմնադրամի գրական մրցանակին։

Թարգմանութիւններ Խմբագրել

Թարգմանած է Էտմոն Ռոստանի «Սիրանօ տը Պերժըրաք» (1949), Գարլօ Կոլտոնիի «Հիւրանոցի տիրուհին» (1950) եւ Ժան Անույի «Ռոմէօ ու Ժանէթ» (1950) թատերախաղերը։

Ցուցահանդէսներ Խմբագրել

Նկարչական գործերու (վերացապաշտ) ցուցահանդէսներ ունեցած է Մեքսիքոյի, Նիւ Եորքի, Պոսթընի եւ Երեւանի մէջ (1977, իր գործերը նուիրած է Հայաստանի Ազգային Պատկերասրահին)։

Ծանօթագրութիւններ Խմբագրել

Այս յօդուածի նախնական տարբերակը կամ անկէ մասը վերցուած է Հայկական համառօտ հանրագիտարանէն, որու նիւթերը թողարկուած են` Քրիեյթիւ Քոմմընզ Նշում–Համանման տարածում 3.0 (Creative Commons BY-SA 3.0) թոյլատրագրի մէջ։