Վահրամ Մավեան

Վահրամ Մավեան (27 Յունիս 1926(1926-06-27), Երուսաղէմ, Մեծն Բրիտանիոյ եւ Իրլանտայի Միացեալ Թագաւորութիւն - 11 Յունուար 1983(1983-01-11), Լիզպոն, Փորթուկալ), սփիւռքահայ բանաստեղծ եւ արձակագիր։

Վահրամ Մավեան
Ծնած է 27 Յունիս 1926(1926-06-27)
Ծննդավայր Երուսաղէմ, Մեծն Բրիտանիոյ եւ Իրլանտայի Միացեալ Թագաւորութիւն
Մահացած է 11 Յունուար 1983(1983-01-11) (56 տարեկանին)
Մահուան վայր Լիզպոն, Փորթուկալ
Քաղաքացիութիւն Palestine-Mandate-Ensign-1927-1948.svg Մանդատային Պաղեստին
Ազգութիւն Հայ
Ուսումնավայր Սրբոց Թարգմանչաց Վարժարան
Քուինզ Համալսարան
Մասնագիտութիւն բանաստեղծ, գրագէտ, հասարակական գործիչ
Աշխատավայր Նարեկ Հայկական Վարժարան
Մելգոնեան Կրթական Հաստատութիւն
Գալուստ Կիւլպէնկեան Հիմնարկութիւն

Կեանք եւ գործունէութիւնԽմբագրել

Ծնած է Երուսաղէմ[1]։ Հայրը` Յակոբ քհնյ. Մավեան (1884-1941), բնիկ զէյթունցի, տարագրութեան երկար ճամբաները կտրելէ ետք, 1922-ին հաստատուած է Երուսաղէմ:

ուր ստացած է նախակրթութիւնը՝ հայկական վարժարանին մէջ։ Երկրորդական ուսումը, նոյն քաղաքը, ստացած է անգլիական վարժարանէ, իսկ բարձրագոյնը՝ Անգլիա, Պելֆասթի համալսարանէն (գրականութեան եւ փիլիսոփայութեան ճիւղեր)։

Վահրամ դեռ քանի մը ամսու երեխայ, ընտանեօք փոխադրուած են Հայֆա։ Այստեղ մնալով եօթը տարի, յաճախած է տեղւոյն ազգային մանկապարտէզը:

1934-ին Վահրամ վերադարձած է Երուսաղէմ, ուր աշակերտած է Սրբոց Թարգմանչաց վարժարանին, մինչ իր հայրը չորս տարի հովիւ կը նշանակուի Ամմանի հայոց: Նախակրթարանը աւարտելէ ետք, ան իր երկրորդական ուսումը ստացած է քաղաքին անգլիական «Պիշըփ Կոպաթ» քոլեճին մէջ (1940-1944):

1948-ին, Պաղեստինի արաբ-հրեայ բախումներու թէժ օրերու նախօրէին, անցած է Կիպրոս, ուր նշանակուած է ուսուցիչ՝ Նիկոսիոյ Ազգային Մելիքեան վարժարանին: Երկու տարի ետք հրաւիրուած է պաշտօնավարելու նոյն քաղաքի ՀԲԸՄ-ի Մելգոնեան կրթական հաստատութեան մէջ՝ 1950-58, դասաւանդելով հայերէն, երկրաչափութիւն:

Թոքախտի պատճառով Մավեան ստիպողաբար անցած է Լիբանան՝ 1954-ին, եւ շուրջ տարի մը մնայուն դարմանումի ենթարկուած է Ազունիէի ազգ. բուժարանը (լեռնային շրջան, յատուկ թոքախտանոց):

1958-ին, ժամանակաւորապէս, Կիպրոսէն մեկնած է Պելֆասթ (Հիւսիսային Իրլանտա)։ Երեք տարի հետեւելէ ետք անգլիական գրականութեան, հոգեբանութեան եւ իմաստասիրութեան դասընթացքներուն` աւարտած է «Քուինզ եունիվըրսիթի»ն, 1961-ին:

Վերադառնալով Կիպրոս, երկու տարի եւս ուսուցչագործած է Մելգոնեանի մէջ (1961-63):

1962-էն սկսեալ ան կանոնաւոր կերպով աշխատակցած է Ծառուկեանի «Նայիրի» շաբաթաթերթին։

1960–ական տարիներէն հաստատուած է Լիզպոն, Փորթուկալ, Կիւլպէնկեան կեդրոնի հայկական բաժինին մէջ վարելու պատասխանատու պաշտօն[1]։

Գրած է կանուխէն։ Առաջին հատորը՝ բանաստեղծութիւններու ժողովածու, լոյս տեսած է 1965 թուականին։ Հետեւող տասնամեակներուն արտադրած է պատմուածքներու եւ գրական շունչով յագեցած քրոնիկներու հատորներ, որոնցմէ հատընտիր մըն ալ ապա լոյս տեսած է Երեւան։

Մահացած է Լիզպոն։

ԳործերէնԽմբագրել

Մավեանի հրատարակած անդրանիկ հատորը քերթողագիրք մըն է՝

  • «Յամեցող վերադարձ» (քերթուածներ, 1956

Մինչ կը պաշտօնավարէր Լիզպոնի մէջ, ան հրատարակած է երեք հատորներ: Երեքն ալ տպուած են Երուսաղէմ[2]՝

  • «Հայու Բեկորներ» (1967),
  • «Անկապ Օրագիր» (1968),
  • «Ամէն Տեղ Հայ Կայ» (1977)[3]։

ԾանօթագրութիւններԽմբագրել

  1. 1,0 1,1 admina (2018-03-07)։ «Armenians in Mitrokhin’s KGB notes»։ Aniarc (en-US)։ արտագրուած է՝ 2022-01-20 
  2. «Սերունդներու Միջեւ»։ Asbarez - Armenian (en-US)։ 2021-12-21։ արտագրուած է՝ 2022-01-20 
  3. «Յաւերժական Երուսաղէմ – 12. Երուսաղէմցի Տղան` Վահրամ Մավեան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2018-12-29։ արտագրուած է՝ 2022-01-20