Տիգրան Ոսկունի

Տիգրան Ոսկունի (Դամասկոս 1925 - Սան Ֆրանսիսքօ 26 Փետրուար 2005): Գրագէտ, թարգմանիչ,խմբագիր, արձակագիր ու հասարակական գործիչ: Մաս կազմած է «Ազդակ-Մարզական»-ի, «Ազդակ Շաբաթօրեակ»-ի, Բագին գրականութեան եւ արուեստի ամսագրին եւ Նոր Կեանք» շաբաթաթերթի խմբագրութեան:

Տիգրան Ոսկունի
Dikran Vosguni Տիգրան Ոսկունի.jpg
Ծնած է 1925
Մահուան վայր Սան Ֆրանսիսքօ
Ազգութիւն Հայ
Կարողութիւն խմբագիր, թարգմանիչ, հրատարակիչ, հասարակական գործիչ
Մասնագիտութիւն Գրագէտ
Աշխատավայր արձակագիր, հրապարակագիր, հեղինակ
Պարգեւներ եւ
մրցանակներ
«Ս. Մեսրոպ Մաշտոց» շքանշանը

ԿենսագրութիւնԽմբագրել

Տիգրան Ոսկունի, բուն անունով Տիգրան Գույումճեան, ծնած է Դամասկոս, 1925-ին։ Նախնական կրթութիւնը ստացած է տեղւոյն Միացեալ Վարժարանը, իսկ երկրորդականը՝ Դամասկոսի ֆրանսական լիսէն։ 1945-ին, ընտանեօք ան փոխադրուած է Պէյրութ եւ մուտք գործած է լրագրական ասպարէզ։

1976-ին, Տիգրան Ոսկունի կը մեկնի Մ. Նահանգներ եւ կը հաստատուի Սան Ֆրանսիսքօ, ուր կը շարունակէ իր հանրային եւ հրապարակագրական գործը։ Կը խմբագրէ «Նոր Կեանք» շաբաթաթերթը։ Ոսկունի կը մահանայ 26 Փետրուար 2005-ին։

Խմբագրութիւն եւ թարգմանութիւնԽմբագրել

1946-1976, երեսուն տարի Տիգրան Ոսկունի մաս կազմած է «Ազդակ» օրաթերթի խմբագրութեան՝ 1952-1958 վարելով նաեւ «Ազդակ-Մարզական»ի խմբագրութիւնը։ Շրջան մը մաս կազմած է նաեւ «Ազդակ Շաբաթօրեակ»ի եւ աւելի ուշ՝ «Բագին»ի խմբագրութիւններուն։ Ան ֆրանսացի հեղինակներէ թարգմանած է աւելի քան 20 գիրքեր։ Գրած է «Բոցավառ մայրիներ» գիրքը։

Հ.Մ.Ը.Մ.ի Պէյրութի մասնաճիւղի վարչութեան անդամԽմբագրել

Տիգրան Ոսկունի գործօն մասնակցութիւն բերած է լիբանանահայ ազգային, մշակութային եւ կուսակցական կեանքին։

1961-1962 Տիգրան Ոսկունի եղած է Հ.Մ.Ը.Մ.ի Պէյրութի մասնաճիւղի վարչութեան անդամ։ Բազմիցս մասնակցած է Հ.Մ.Ը.Մ.ի Մերձաւոր Արեւելքի Շրջանային Վարչութեան Պատգամաւորական Ժողովներուն։

1974-ին, միութեան համագաղութային առաջին Պատգամաւորական Ժողովին, Տիգրան Ոսկունի կ’ընտրուի Հ.Մ.Ը.Մ.ի անդրանիկ Կեդրոնական Վարչութեան անդամ՝ 1974-1979։

ՇքանշանԽմբագրել

2003-ին, Ամենայն Հայոց Գարեգին Բ. Կաթողիկոս Տիգրան Ոսկունիի կը շնորհէ «Ս. Մեսրոպ Մաշտոց» շքանշանը։

ԵրկերԽմբագրել

Բոցավառ մայրիներ Հեղինակ՝ Տիգրան Ոսկունի, Հրատարակիչ:Մատենաշար «Նոր Կեանք», Թուական:1994 Լոս Անճելըս, Գալիֆորնիա

ԾանօթագրութիւններԽմբագրել

ԱղբիւրներԽմբագրել