Ժագ Տօնապետեան
Ժագ Տօնապետեան (11 Յունուար 1945, Թունիս (Թունուս), - 9 Նոյեմբեր 2020, Մարսիլիա կամ Մարսէյ) մարսիլահայ համայնքի՝ Հայ դատի անխոնջ պաշտպան, որ եղած է նախ 24 Ապրիլի կոմիտէի, ապա՝ Հարաւային CCAF-ի նախագահ [2]։
| Ժագ Տօնապետեան | |
|---|---|
| Ծնած է | 11 Յունուար 1945 |
| Ծննդավայր | Թունիս (Թունուս) |
| Մահացած է | 9 Նոյեմբեր 2020[1] (75 տարեկանին) |
| Մահուան վայր | Մարսէյ, Ֆրանսա |
| Քաղաքացիութիւն | Ֆրանսա |
| Ազգութիւն | Հայ |
| Մայրենի լեզու | Հայ |
| Մասնագիտութիւն | ճարտարագէտ |
| Գործունէութիւն | Հայ դատի անխոնջ պաշտպան, Ապրիլ 24-ի կոմիտէի եւ Հարաւային CCAF-ի նախագահ |
| Աշխատավայր | Էքս-ան-Փրովանսի մէջ համակարգչային ընկերութեան մը առեւտրական տնօրէն |
| Ծնողներ | Եղիա |
Կենսագրութիւն
ԽմբագրելԺագ Տօնապետեան ծնած է 11 Յունուար 1945-ին Թունիս (Թունուս), հայ հօրմէ եւ սիկիլիացի-յոյն մօրմէ։ Ծնողքը յաջողած էին զինք, նաեւ քոյրը՝ Ռոզին ու եղբայրը՝ Փաթրիքը ջամբել հայկական արմատներու սիրով ու հպարտութեամբ։ Ան Մարսիլիա կը հաստատուի 1961-ին աւարտելու համար իր երկրորդական ուսումը։ Այնուհետեւ կը հետեւի բարձրագոյն ուսման, պատրաստելով՝ բնագիտութեան դոկտորականը[2]։
Փարիզեան շրջանին մէջ ճարտարագէտի, ապա Էքս-ան-Փրովանսի մէջ համակարգչային ընկերութեան մը առեւտրական տնօրէնի պաշտօնները վարելուն զուգահեռ՝ կանուխէն կը փարի Հայ դատի պաշտպանութեան առաքելութեան։
1963-էն 1988 եղած է բազմաթիւ հաստատութիւններու եւ ընկերակցութիւններու անդամ, ինչպէս Հայկական ուսումնասիրութեանց կեդրոնին, ապա Աբովեան դպրոցին, Էքս-ան-Փրովանսի Հայոց ընկերակցութեան, զոր կը ներկայացնէր 24 Ապրիլի յանձնախումբին մէջ, որու նախագահը պիտի դառնար 1999-էն 2001։ Այնուհետեւ, ան քանի մը անգամ կ'ընտրուի Հարաւային CCAF-ի նախագահ [3]։
9 Նոյեմբեր 2020-ին, 76 տարեկանին իր մահկանացուն կը կնքէ:
Շքանշան
Խմբագրել2011-ին, Մարսիլիոյ քաղաքապետ Ժան-Գլօտ Կօտէնի կողմէ կը պարգեւատրուի Ֆրանսայի Արժանիքի ասպետի շքանշանով։
Անդամակցութիւն
ԽմբագրելԺագ Տօնապետեան նաեւ անդամ էր Անի կեդրոնին, Մարսիլիոյ ՀԲԸՄ-ին, Սահակ-Մեսրոպ երգչախումբին, ինչպէս նաեւ Ֆրանսա-Հայաստան Առեւտուրի եւ ճարտարարուեստի պալատին (CCIFA)։
Հրատարակութիւն
Խմբագրել2018-ին լոյս տեսած էր իր « Parcours d'un colleur d'affiches - Au service de la cause arménienne » գիրքը, որ ձեւով մը ամփոփումն էր Հայ դատի նկատմամբ իր անդուլ յանձնառութեան երկար ու գործունէութեամբ խիտ տարիներուն։
Ծանօթագրութիւններ
Խմբագրել- ↑ Fichier des personnes décédées
- ↑ 2,0 2,1 Նոր Յառաջ Երկօրեայ թերթ ԺԲ. տարի, Թիւ 1526
- ↑ «Ֆրանսահայ Ընկերակցութիւնները Համակարգող Խորհուրդի՝ CCAF-ի Հաղորդագրութիւնը»։ արխիւացուած է բնօրինակէն-էն՝ 2020-11-13-ին։ արտագրուած է՝ 2020-11-13
Աղբիւրներ
Խմբագրել- Décès de Jacques Donabedian Archived 2020-11-20 at the Wayback Machine.