Լուսինին Նայող Տղան

Լուսինին նայող տղան (շուէտ.՝ Pojke som tittar på månen) կամ Երկաթէ տղան (շուէտ.՝ Järnpojken), յուշարձան Սթոքհոլմի Կամլա Սթանի մէջ (Հին քաղաքը), ուր պատկերուած է նստած տղան` ծունկները գրկած:

Նկարագրութիւն

Յուշարձանը հիմնած է քանդակագործ Լիս Էրիքսոնը: Տեղադրուած է 1967-ին եւ դարձած Շուէտի մէջ ամենափոքր յուշարձանը. անոր բարձրութիւնը կը կազմէ շուրջ 15 սմ: Յուշարձանը յայտնի է նաեւ Ուլլէ (շուէտ.՝ Olle) ժողովրդական մականունով:

Յուշարձանը պատրաստուած է աւազաքարէ եւ կռած երկաթ: Տղան նստած է մահճակալին, որ տեղադրուած է բաւականին լայն պատուանդանի վրայ։ Լիս Էրիքսոնը յուշարձանը հիմնած է 1954-ին: Այն կ՚արտացոլէ քանդակագործի մանկութեան մասին յիշողութիւնները, երբ անքուն գիշերներուն կը նստէր մահճակալին եւ պատուհանէն կը նայէր լուսինին:

Յուշարձանը կը գտնուի Ֆիննական եկեղեցւոյ (շուէտ.՝ Finska kyrkan) ետեւը, Սթոքհոլմի թագաւորական պալատէն քանի մը մեթր հեռաւորութեան վրայ եւ ոչ միշտ կը յիշատակուի քաղաքի զբօսաշրջային ուղեցոյցներուն մէջ, բայց այն մեծ մասսայականութիւն կը վայելէ զբօսաշրջիկներու շրջանին մէջ։ Կ՚ենթադրուի, որ տղայի գլուխը շոյելը յաջողութիւն կը բերէ եւ կ՚օգնէ ցանկութիւններու կատարման, որու արդիւնքով ալ մշտական շոյելով տղայի գլուխը կը փայլի: Յուշարձանի պատուանդանին յաճախ մետաղադրամներ եւ քաղցրեղէն կը նետեն, իսկ ձմրան երկաթէ տղային գլխարկ եւ փողկապ կը հագցնեն:

Պատկերասրահ

• 
• 
• 
• 

Արտաքին յղումներ

• «Լուսինին նայող տղան» Սթոքհոլմի կեդրոնը

Աղբիւրներ

• Linnell, Stig, Stockholms spökhus och andra ruskiga ställen (2003)
• Skulptur i Stockholm. Redaktion: Philippe Legros, Kaj Larsson. Stockholm: Konstkansliet, Utbildningsförvaltningen, 2005. S. 4