Բացել գլխավոր ցանկը

Ամառուան ընթացքին օդը տաք է, կը ծառաւնանք եւ շատ հեղուկ կը խմենք: Շատեր ջուր կը խմեն, կաթ կամ նարինջի հիւթ: Ուրիշներ կը նախընտրեն եռացած թէյ: Մեծերը սուրճ կամ գարեջուր կը սիրեն:

Բովանդակութիւն

Կազային խմիչքներԽմբագրել

կազային խմիչք մը կը պատրաստուի ջուրով, շաքարով, եւ բոյրով, զորոնք կը խառնեն մեծ անօթի մը մէջ: Ապա, բնածխային կազ կը ներարկեն խմիչքը պարունակող շիշերուն: Վերջապէս, շիշը կը գոցեն եւ կազը մէջը կը լուծուի: Երբ շիշը բանանք, կազի պղպջակները խմիչքին երեսը կ'ելլեն:

ՍուրճԽմբագրել

Պրազիլ թիւ 1 սուրճ արտադրող երկիրն է: Սրճենին 7էն 8 մեթը բարձրութիւն կ'ունենայ՝ ծածկուած կարմիր պտուղներով: Ամէն պտուղ սուրճի երկու հատիկ կը պարունակէ: Պտուղները կը քաղուին եւ գետինը կը փռուին, որպէսզի արեւին տակ չորնան: Մեքենայ մը զանոնք կը բաժնէ իրենց մորթէն: Սուրճի հատիկները ապա կը խանձուին եւ կ'աղացուին:

ԳարեջուրԽմբագրել

Գարեջուրը կը պատրաստուի գարիի հունտերուն խմորումով: Հատիկները կը թրջեն որպէսզի ծիլ տան: Ծիլ տուած գարին, որ մալտ կը կոչուի, գաղջ ջուրի մէջ կը դրուի: Այս խառնուրդէն կը հանեն անուշ հեղուկ մը քաղցու, որ կ'եռացնեն հմուլի ծաղիկներուն հետ լեղի համ: Բնախմորի ազդեցութեան տակ, քաղցուին շաքարը կը լուծուի ալքոլի եւ բնածխային կազի մէջ: Գարեջուրին համը աւելի զօրացնելու համար՝ երեք ամիս կարասներու մէջ կ'ամբարեն: Վերջապէս, գարեջուրի փրփուրը կը վերցնեն զտումով՝ հեղուկը շիշերու կամ թիթեղէ տուփերու մէջ լեցնելէ առաջ:

ԱղբիւրներԽմբագրել

ՄՇԱԿՈՒԹԱՅԻՆ ԻՄ ԱՌԱՋԻՆ ՀԱՆՐԱԳԻՏԱԿՍ 2001-2002 ԻՆՉՊԷ՞Ս ՇԻՆՈՒԱԾ Է ՀՐԱՏԱՐԱԿՈՒԹԻՒՆ CCM