Հայաստանի Ազզային Գրադարան
Հայաստանի ազգային գրադարանը աշխարհի ամենախոշոր հայերէն գրականութեան պահոցն է։ Հիմնադրուած է 1921 թուականին։ Պաշտօնապէս բացուած է 1922-ին։ Կը գտնուի Աբովեանի պուրակի հարեւանութեամբ, Տերեան 72 հասցէով։
Պատմութիւն
ԽմբագրելՀայաստանի ազգային գրադարանի պատմութեան սկիզբը կը համարուի 1832-ը., երբ կը հիմնադրուի Երեւանի Արական բարձրագոյն վարժարանի գրադարանը։ Հայաստանի Մինիստրներու Խորհուրդի նիստին ընդունուած «Պետական հանրային մատենադարանի մասին» օրէնքով գրադարանը կը ստանայ պետական գլխաւոր գրադարանի կարգավիճակ։ 1919-1921-ներուն գրադարանի առաջին տնօրէն Ստեփան Կանայեանի ջանքերով կը յաջողի հաւաքել, գնել եւ ժողովել Թիֆլիսի, Պաքուի, Ախալցխայի եւ Կարսի հայկական կազմակերպութիւններու, ընկերութիւններու, ուսումնական հաստատութիւններու գրադարանները եւ զանոնք տեղափոխել Երեւան։ Գրադարանը տեղաւորուած է 4 մասնաշէնքի մէջ։ Ամենահինը Ալ. Թամանեանի նախագծած գլխաւոր մասնաշէնքն է (1939-ին)։ Թամանեանական մասնաշէնքի կառուցումը ֆինանսաւորած են Խորհրդային Հայաստանի կառավարութիւնը եւ «Գրիգոր եւ Կարապետ Մելքոնեան» հիմնադրամը։ Այնուհետեւ շէնքը հիմնանորոգուած է 2008-2011-ին՝ այս անգամ ՀՀ կառավարութեան ֆինանսաւորմամբ։ Առաջին հաւաքածուները, որոնց հիմքի վրայ կը ձեւաւորուին գրադարանի ֆոնտերը, հայ պետական, հասարակական եւ մշակութային գործիչներ Ալեքսանդր Մեասնիկեանի, Ն. Արղութեանի, Բ. Ղորղանեանի, Լեոյի անձնական գրադարաններն էին, Ներսիսեան դպրոցի եւ այլ ազգային, մշակութային, ուսումնական հաստատութիւններու հաւաքածուները։ 1925-1990 թթ. գրադարանը կոչուած է Ալեքսանդր Մեասնիկեանի անունով, քանի որ վերջինս բաւականին խոշոր ներդրում ունեցած էր գրադարանի կայացման գործին։ 1982-ին հիմնադրման 150-ամեակի կապակցութեամբ, գրադարանը պարգեւատրուած է «Ժողովուրդների բարեկամութեան» շքանշանով։ 4 Յուլիս 1999 ի վեր որպէս Հայաստանի Ազգային գրադարանի օր։ 2012-ին կը լրանայ Հայաստանի Ազգային գրադարանի 180 եւ գրադարանի գրահրատարակչական գործունէութեան 75 ամեակները։
Արտաքին կապեր
ԽմբագրելԳրադարանը կապեր ունի շուրջ 40 երկրներու, 130-էն աւելի կրթամշակութային հաստատութիւններու, գրադարաններու եւ կազմակերպութիւններու հետ։
Գրքերի ֆոնտը
ԽմբագրելԱյժմ Գրադարանը ունի աւելի քան 7 միլիոն գիրք։ Ամենահին գիրքն «Ուրբաթագիրք»ն է։ Այն առաջին հայկական տպագիր գիրքն է (Վենետիկ, 1512) եւ տպագրուած է Յակոբ Մեղապարտի կողմէ։ Բացի «Ուրբաթագիրք»էն, գրադարանին մէջ կը պահպանուին նաեւ Մեղապատի կողմէ տպագրուած բազմաթիւ այլ գիրքեր՝ «Պատարագատետր»ը (պատճէն), «Պարզատումար»ը, «Տաղարան»ը, «Աղթարք»ը (պատճէն)։
Արտաքին հղումներ
ԽմբագրելՀայաստանի ազգային գրադարանի կայքը
Հայաստանի ազգային գրադարան Archived 2020-12-02 at the Wayback Machine.