Մեծ Իշխանասար (Իշխանասար լեռ)
Մեծ Իշխանասար, լեռնագագաթ՝ Սիւնիքի մէջ[1]։ Անիկա Իշխանասար լեռնազանգուածին ամէնէն բարձր գագաթն է։
Մեծ Իշխանասար լեռը Իշխանասար լեռնազանգուածին ամէնէն բարձր կէտն է: Կը գտնուի Սիւնիքի եւ Արցախի սահմանագլխուն, Նորավան գիւղէն 9քմ հիւսիս արեւելք: Երեւանէն 207քմ հեռաւորութեան վրայ[2]: Բարձրութիւնը՝ 3549մ: Լերան հիւսիսային լանջէն սկիզբ կ'առնէ Որոտանի ձախ՝ Նորավան վտակը, հիւսիս-արեւմուտքէն՝ Նորավան գետին ձախ վտակ Մեծձորը, իսկ հարաւ-արեւմտեան լանջէն՝ Որոտանի ձախ վտակ Վաղատինը, հարաւէն՝ Շամբ գետը: Լեռը ունի հրաբխային ծագում. լանջերը զառիթափ են, մասնատուած կիրճերով եւ ձորակներով:
Մեծ Իշխանասար լերան հիւսիսը կ'առանձնանայ Փոքր Իշխանասար լեռը: Հիւսիս արեւմուտքը Իշխանասարը կը միանայ Ծղուկ լեռնազանգուածին: Արեւելեան լանջին կը գտնուի սառցադաշտային ծագման Սեւ լիճը՝ 2666մ բարձրութեան վրայ: Լիճը ունի 1,6քմ երկայնք եւ 1,2քմ լայնք: Մակերեսը՝ շուրջ 2քառ. քմ, առաւելագոյն խորքը 7,5մ: Գրեթէ շրջանաձեւ է: Կը սնանի հալոցքային եւ մթնոլորտային տեղումներէն:
Սեւ լիճէն արեւելք Սագի լիճն է: Սագի լիճը նախորդէն շատ փոքր է. ամրան ընթացքին ջուրը գրեթէ կը ցամքի: Սեւ լիճին մէջ 1968-էն իշխան կը բազմանայ: Սագի լիճին շուրջը փարախներ տարածուած են: Լիճէն սկիզբ կ'առնէ Խոզնավար գետակը:
Երթուղիին երկայնքը՝ 35քմ է:
Պատկերներ
Խմբագրել-
Սեւ լիճը Իշխանասարի գագաթէն -
Սեւ լիճը Իշխանասարի գագաթէն
