Միսաք Փաշապեզեան

Միսաք Փաշապեզեան Կարապետի (կամ Թորոսի, 1881, Սիս, Գոզանի գաւառ, Ատանայի նահանգ - 1914, Սիս), հայ դեղագործ։

Միսաք Փաշապեզեան
Ծնած է	1881
Ծննդավայր	Սիս, Գոզանի գաւառ, Ատանայի նահանգ
Մահացած է	1914
Մահուան վայր	Սիս
Կրթութիւն	Սեն Ժո­զեֆ ֆրան­սա­կան հա­մալ­սա­րա­ն
Մասնագիտութիւն	դեղագործ
Ծնողներ	Կարապետ (կամ Թորոս) Փաշապեզեան

Կենսագրութիւն

Ծնած է 1881 թուականին Ատանայի նահանգի, Գոզանի գաւառի՝ Սիս քաղաքին մէջ։ Աւագ եղբօր՝ Յարութիւնին օգնութեամբ, գնացած է Պէյ­րութ եւ ուսանած՝ Սեն Ժոզեֆ ֆրանսական համալսարանի բժշկական բաժինի դեղագործական ճիւղը։ 1908 թուականին աւարտած է ուսումը եւ վերադարձած՝ Սիս։ Հայրենի քաղաքին մէջ շուտով բարեհոգի եւ խղճմիտ դեղագործի համբաւ ձեռք ձգած է։

1914 թուականին, թուրքերու պնդումով, զերծ մնացած է տեղահանութենէ։ Հիւանդացած է տիֆով։ Սիսի պետական բժիշկ թուրք Ալին չարամիտօրէն զինք սխալ բուժում կատարած է, որուն հետեւանքով Միսաք մահացած է 33 տարեկան հասակին։

Գրականութիւն

• Քէլէշեան Միսաք, Սիս Մատեան, Պէյրութ, 1949։

Աղբիւր

• Յարութիւն Մինասեան, Օսմանեան կայսրութիւնում Թուրքիայի Հանրապետութիւնում բռնաճնշումների եւ ցեղասպանութեան ենթարկուած հայ բժիշկներ, Երեւան, «Լուսաբաց», 2014 — 520 էջ։