Մոխրաթաղ

Մոխրաթաղ, գիւղ ԼՂՀ Մարտակերտի մէջ` կեդրոնէն 8 քմ արեւմուտք` Թարթառ գետի միջին հոսանքին մէջ՝ 540 մեթր բարձրութեան վրայ։ Տարածքը՝ 3462 հեկտար։ Կը զբաղին այգեգործութեամբ, անասնապահութեամբ եւ պտղաբուծութեամբ։ Ունի միջնակարգ դպրոց, գրադարան, մշակոյթի տուն, կապի բաժանմունք, շարժապատկերի սրահ, բուժարան եւ այլն։

Բնակավայր
Մոխրաթաղ
ազրպ.՝ Kiçik Qarabəy
Երկիր	Արցախ
Շրջան	Մարտակերտ
ԲԾՄ	760 մեթր
Բնակչութիւն	341 մարդ (2015)
Ժամային գօտի	UTC+4։00

Գիւղին մէջ պահպանուած է Ս. Աստուածածին եկեղեցին (ԺԹ. դար), շրջակայքը՝ Խաչ Խուռատի (ԺԳ. դար) եւ Ինն Մաս կամ Անապատ եկեղեցիներու, «Սահար օրիորդ» մատրան, Մելիք-Իսրայէլեաններու ապարանքին աւերակները։

Մոխրաթաղը ունի 362 բնակչութիւն: Գիւղին դպրոցը կը գտնուի 1972-ին կառուցուած շէնքին մէջ:

Մոխրաթաղը Արցախեան պատերազմին

1989-ին Մոխրաթաղին մէջ կազմաւորուած է կամաւորական ջոկատ մը (հրամանատար՝ Վ. Բալայեան, Գ. Պօղոսեան), որ մասնակցած է գիւղին, Մարտակերտի (Չայլու, Կիչան, Մարաղա, Վաղուհաս եւ այլն), Շահումեանի (Պուզլուխ, Մանաշիտ, Կարաչինար, Էրքէջ եւ այլն), Հատրութի (Տող, Ծամձոր եւ այլն) շրջաններու ինքնապաշտպանական եւ ազատագրական մարտերուն։ Մոխրաթաղէն ԼՂՀ «Մարտական խաչ» 1-ին աստիճանի շքանշանով պարգեւատրուած է Վ. Բալայեանը (յետմահու)։ Մոխրաթաղէն զոհուած է 11 ազատամարտիկ։ Թշնամին մեծ վնաս հասցուցած է գիւղին կեդրոնը գտնուող Ս.Սարգիս եկեղեցւոյ, աւերած՝ մեծ թիւով տուներ, գիւղին ակումբը եւ այլն: