Մոսկուաի Ձուենդնօյ Պուլեւարտի Կրկէս (Նիքոլինի Կրկէս)

Մոսկուայի Կրկէսը Ձուենդնոյ Պուլեւարտի

Մոսկուայի Ձուենդնոյ Պուլեւարտի կրկէսը (Tsvetnoi Boulevard), կամ Նիքոլինի կրկէսը (Nikulin's), կը գտնուի Tsvetnoi Boulevard, Tverskoy District կեդրոնական Մոսկուա: Անիկա եղած է քաղաքին միակ կրկէսը մինչեւ 1926 եւ 1971, եւ մինչեւ այսօր մեծ հռչակ վայելող կրկէս մըն է: 20 Հոկտեմբեր 1880-ին շէնքը բացուած է եւ կոչուած է Սոլոմոնոսքի (Solomonsky) Կրկէս: Ռուսաստանի ամէնէն հին կրկէսը կը համարուի: Տարբեր անուններով ճանչցուած է Խ.Ս.Մ-ի ընթացքին, որուն թատերախումբը 1939-ին պարգեւատրուած է Լենինի շքանշանով[1]: Իր գործունէութեան ընթացքին ամէնէն հռչակաւոր ծաղրածուներէն եղած են Քարանտաշ (Karandash), Օլէկ Փոփով (Oleg Popov), եւ Եուրի Նիքուլի[2] (Yuri Nikulin): Նիքուլի տասնհինգ տարի ղեկավարած է կազմակերպութիւնը: Կառոյցին դիմաց տեղադրուած է Նիքուլինի յուշարձանը, որուն որդին ղեկավարած է կրկէսը իր մահէն ետք: 1990-ականներու վերջաւորութեան Վալէնդին Կնէօշեւ (Valentin Gneushev) կրկէսին պարողներէն էր: Վերջին ներկայացումը հին կառոյցին մէջ տեղի կ'ունենայ 13 Սեպտեմբեր 1985-ին, անիկա շատ զգայացունց երեկոյ մը կ'ըլլայ բոլորին համար: Հետագային նոր կրկէսին շէնքը կը կառուցուի հին շէնքին տեղը, նորակառոյց կրկէսը կ'օժտուի արդի արհեստագիտական սարքերով, նոր գրասենեակներով, հանդերձարաններով եւ անասուններու պահեստներով: 29 Սեպտեմբեր 1989-ին «Բարեւ, Հին Կրկէս» (Hello, Old Circus) առաջին ներկայացումը տեղի կ'ունենայ նորակառոյց շէնքին մէջ: Այսօր Մոսկուայի Հին Կրկէսը գործող է եւ կրնայ ընդգրկել 2000 հանդիսատես:

Ներկայացում 2016-ի ամրան

ԾանօթագրութիւններԽմբագրել