Սաթենիկ Թօփալեան Չագըր
Սաթենիկ Թօփալեան Չագըր, (1889, Պոլիս - 1982, Գահիրէ) նկարիչ, հասարակական գործիչ։
Կենսագրութիւն Խմբագրել
Յաճախած է Սկիւտարի Աղջկանց Ամերիկեան Գոլէճը։ Ապա ծնողքին հետ փոխադրուած է Անգլիա։ Յաճախած է Սաութփորթ քաղաքի մարմնամարզութեան դպրոցը եւ վկայուած է որպէս մարմնամարզութեան ուսուցչուհի։
Հետեւած է Գահիրէի Լէոնարտօ Տա Վինճի նկարչական ակադեմիայի դասընթացքներուն եւ մասնաւոր դասեր առած է նկարիչ Աշոտ Զօրեանէն։ Փարիզի մէջ նաեւ հետեւած է ֆրանսացի նկարիչ, քանդակագործ Անտրէ Լոթի դասընթացքներուն։
1919ին ամուսնացած է Ճանիկ Հայկ Չագըրին հետ ու հաստատուած է Գահիրէ։
Գահիրէի մէջ եղած է ՀԲԸՄ Տիկնանց Որբախնամ յանձնախումբի անդամ, նախագահ՝ Այծեմնիկ Բարեսիրական Միութեան, փոխ ատենապետ՝ Եգիպտոսի Կանանց Միութեան վարչութեան։
Ծանօթ է իր դիմանկարներով եւ բնանկարներով։
Աղբիւրներ Խմբագրել
- Հայ Կինը Մշակութային եւ Հասարակական Կեանքի Մէջ, Հրակատարակութիւն Ազգային Կեդրոնական Վարժարանի, Պոլիս, 2023
Արտաքին յղումներ Խմբագրել
Տե՛ս նաեւ Խմբագրել
https://egypt.mfa.am/en/structure/
https://agbuegypt.com/artist/satenig-chaker-topalian-1889-1982/