«Եուկոսլաւիա» խմբագրումներու միջեւ տարբերութիւն

'''Եուկոսլաւիա''', որ դաշնակցային հանրապետութիւն մըն է, կը բաղկանայ վեց հանրծապետութիւններէ.- [[Սերպիա]], [[Խրուաթիա]], [[Սլովենիա (արեւմտահայերէն)|Սլովենիա]], [[Մանթենեկրօ]], [[Պոսնիա – Հերցեկովինա]] եւ [[Մեկեդոնիա |Մեկեդոնիա]]։

Սահմաններն են.- Հիւսիսէն՝ [[Աւստրիա]], [[Հունգարիա (արեւմտահայերէն)|Հունգարիա]] եւ [[Ռումանիա |Ռումանիա]], արեւելքէն՝ Հունգարիա, Ռումանիա եւ [[Պուլկարիա]], հարաւէն՝ [[Յունաստան]] եւ [[Ալպանիա]], արեւմուտքէն՝ [[Ատրիական Ծով|Ատրիական ծով]] եւ [[Իտալիա (արեւմտահայերէն)|Իտալիա]]։

Այս ժողովուրդները ԺԹ. Դարուն կ՛ըմբռնեն, թէ իրենց անկախութիւնը կարելի կը դառնայ իրենց միացումով միայն։ Սակայն միայն Սերպիա եւ Մոնթենեկրօ կրնան անկախութիւն ստանալ, իսկ միւսները ենթակայ կը մնան աւստրօ – հունգարացիներուն։ (Սերպիա ենթակայ էր [[Օսմանեան Կայսրութիւն (արեւմտահայերէն)|թուրքերուն]] եւ անկախութիւն ստացաւ 1878-ի [[Պերլին|Պերլինի]]ի դաշնագրով)։

[[Համաշխարհային Առաջին Պատերազմ (արեւմտահայերէն)|Համշխարհային Առաջին պատերազմէն]] ետք, բոլոր սլաւ երկիրներու պատուիրակները Սերպիոյ միանալ պահանջեցին։ Միութիւնը յայտարարուեցաւ [[Պելկրատ|Պելկրատի]]ի մէջ 1 Դեկտեմբեր 1918-ին, ի շահ Սերպիոյ Փիեռ Ա. թագաւորին։ Ասոր զաւակը՝ Ալեքսանդր Ա. իրեն յաջորդեց 16 Օգոստոս 1921-ին։ Ունեցաւ դժուարին պայմաններ, որովհետեւ խրուաթները ինքնավարութիւն պահանջեցին, Տոքթ. Սթեֆան Ռատիչի առաջնորդութեամբ։ Ալեքսանդր Ա. խրուաթի մը կողմէ սպաննուեցաւ Մարսիլիոյ մէջ (9 Հոկտեմբեր 1934)։ Անոր զաւակը՝ Փիեռ խնամակալ նշանակուեցաւ։