1917 թուականի սկիզբը [[Փետրուարեան Յեղափոխութիւն|Փետրուարեան Յեղափոխութեան]] հետեւանքով գահընկեց արուեցաւ Նիքոլայ II ցարը եւ իշանութեան եկաւ Ժամանակաւոր կառաւարութիւնը :կառաւարութիւնը։ Սակայն, Ժամանակաւոր կառաւարութիւնը թոյլ էր եւ ներքին հակասութիւնները կը ջլատէին անոր։ Ան կը շարունակէր վարիլ Առաջին Համաշխարհային պատերազմը, ինչէն աւելի ու աւելի կը դժգոհէր ժողովուրդը։ Ռուսիոյ մէջ կը տարածուէր համազգային ճգնաժամը, որ կը շօշափէր ընկերվարական, տնտեսական եւ քաղաքական ոլորտները։ Արդիւնաբերութեան համախառն արտադրանքի ծաւալը 1916-ին համեմատ նուազած էր 36 տոկոսով։ Աշնանը փակուած էին Ուրալի, Տոնպասի եւ այլ արդիւնաբերական շրջաններու ձեռնարկութիւններու համարեայ կէսը, ստեղծելով զանգուածային գործազրկութիւն։ Միեւնոյն ժամանակ կտրուկ թանկացան կեանքին պայմանները։ Աշխատաւորներու իրական եկամուտները իջան մինչեւ 1913-ին եղածին կէսը։ Ռուսիոյ պետական պարտքը 1917 [[Հոկտեմբեր (արեւմտահայերէն)|հոկտեմբերին]] բարձրացաւ մինչեւ 50 միլիոն րուպլի։ Երկիրը կանգնեցաւ ֆինանսական սնանկացումին առաջ։
