«Մարճըրի Յովսէփեան» խմբագրումներու միջեւ տարբերութիւն

'''Մարճըրի Յովսէփեան-Տոպքին''', ([[Նոյեմբեր 21]] [[1922]], [[Նիւ Եորք]] - [[2013]], [[8 Փետրուար]], Նիւ Եորք), ամերիկահայ պատմաբան, Նիւ Եորքի [[Գոլումպիա]]յի համալսարանի Պարնարտ գոլէճի գրականութեան դասախօս եւ ուսմանց օգնական տեսուչ։

Մարճըրի Յովսէփեան ծնած է 1922 թուականին Նիւ Եորք [[Մեծ Եղեռն (արեւմտահայերէն)|Մեծ Եղեռն]]էն մազապուրծ յայտնի բժիշկ եւ հանրային գործիչ Մովսէս եւ Մաքրուհի Յովսէփեաններու ընտանիքէն ներս։ Պապը զոհուած է [[Զմիւռնիոյ աղէտը (1922)|Զմիւռնիոյ]] ջարդերուն ժամանակ։ 1944 թուականին աւարտել է Պարնարտ գոլէճը։ 1957-1993 թուականներուն եղած է նոյն գոլէճի գրականութեան դասախօս եւ ուսմանց օգնական տեսուչ։

Սակայն, ան յատկապէս յայտնի դարձած է 1966-ին գրած ընդարձակ յօդուածով՝ «Չյիշուող ցեղասպանութիւնը» (The Unremembered Genocide), որ լոյս տեսած էր հրէական ծանօթ հանդէսին՝ “Commentary”ի մէջ, ժամանակի մը, երբ Հայոց Ցեղասպանութեան ուսումնասիրութիւնը տակաւին մոռացութեան մատնուած էր<ref>[http://old1.hayernaysor.am/1361259838 Իր մահկանացուն կնքած է ամերիկահայ պատմաբան Մարճըրի Յովսէփեան-Տոպքին]</ref>, «Խաղաղութեան Առաջնահերթութիւնը» (1969), «Ի՞նչ Ցեղասպանութիւն, Ի՞նչ Ողջակիզում։ Լուրեր Թուրքիայէն, 1916-1923», 1984, «Ճորճ Հորթըն եւ Մարք Լ. Պրիսթըլ. ընդդիմադիր ուժեր ԱՄՆ_Ի մէջ։ Արտաքին քաղաքականութիւն 1919-1923», բոլորը՝ [[անգլերէն]], եւ այլն: Աշխատութիւնները մասնաւորապէս նուիրւած են 1915-1923-ին Թուրքիոյ մէջ տեղի ունեցած [[Հայոց Ցեղասպանութիւն|Հայոց Ցեղասպանութեան]] ու տեղահանութեան։ Անոր հիմնական աշխատութիւնը՝ «Զմիւռնիա 1922։ Մի քաղաքի կործանումը» (The Smyrna Affair), լոյս տեսած է [[Լոնտոն]]ի մէջ [[1972]]-ին, ունեցած մի քանի հրատարակութիւններ, վերջինը՝ [[1988]] թուականին. թարգմանուած է նաեւ [[յունարէն]]ի) նուիրոած է Թուրքիայի այդ ծովափնեայ քաղաքի [[յոյն]] եւ հայ բնակչութեան ողբերգութեան։ Գիրքը հաւաստի պատմական ուսումնասիրութիւն մըն է, գրուած դէպքերու ականատես ու մասնակից հայերու, ամերիկեան դիւանագէտներու եւ միսիոներներու յուշերու, նամակներու ու վկայութիւններու հիման վրայ<ref>{{cite book|author=|title=Ով ով է. Հայեր. Կենսագրական հանրագիտարան, հատոր առաջին, Երեւան, 2005}}</ref><ref>[http://www.armenianchurch-ed.net/news-details/marjorie-housepian-dobkin-1922-2013/ Marjorie Housepian Dobkin (1922-2013)]</ref>