Տիգրան Պետրոս Գասապեան
Տիգրան Պետրոս Գասապեան (մօտաւորապէս՝ 1883, Գընճըլար գիւղ - 1915), հայ բժիշկ, բանաստեղծ։
 | |
|---|---|
| Ծնած է | 1883 |
| Ծննդավայր | Կընջըլար |
| Մահացած է | 1915 |
| Կրթութիւն | Կ. Պոլսոյ Օսմանեան կայսերական բժշկական վարժարան |
| Մասնագիտութիւն | բժիշկ, բանաստեղծ |
| Ամուսին | Բժշկուհի Օֆելիա |
Կենսագրութիւն Խմբագրել
Տիգրան Գասապեան ծնած է, հաւանաբար, 1883 թուականին՝ Պրուսայի նահանգի, Նիկոմիդիոյ գաւառակի Կէյվէի շրջանի՝ Գընճըլար գիւղին մէջ։
Նախնական կրթութիւնը ստացած է ծննդավայրի ազգային վարժարանին մէջ։ 1908 թուականին աւարտած է Կ. Պոլսոյ Օսմանեան կայսերական բժշկական վարժարանը։
1908-1914 թուականներուն աշխատած է իբրեւ բժիշկ Տիգրանակերտի կեդրոնական հիւանդանոցին մէջ։
Գրած է գողտրիկ բանաստեղծութիւններ եւ հայ մամուլին թղթակցած յօդուածներով։
1914 թուականին՝ Առաջին համաշխարհային պատերազմը սկսելէ ետք, զօրակոչուած է Օսմանեան բանակ, ուղարկուած՝ Կալիցիոյ ռազմաճակատ եւ ծառայած՝ 11-րդ զօրագունդի 2-րդ գումարտակի զինուորական բժիշկ։
3 Սեպտեմբեր 1915 թուականին կամ 27 Դեկտեմբերին, Կալիցիոյ ռազմաճակատի վրայ զոհուած է, կամ Տիգրանակերտի մէջ մահացած է ժանտախտէ՝ մօտ 32 տարեկան հասակին։
Հետագային անոր այրին՝ բժշկուհի Օֆելիա Ներկարարեան-Գասպեան, իր երկու դուստրերով բնակութիւն հաստատած է Նիւ Եորքի եւ Լոս Անճելըսի մէջ։
Գրականութիւն Խմբագրել
- Հայ բժշկութեան տուած զոհերը, ցուցակագրուած վաւերական փաստերով, Կ. Պոլիս, 1919։
- Պոտուրեան Մկրտիչ, Հայ հանրագիտակ, Պուքրէշ, 1940։
- Կարոյեան Գասպար, Մեծ Եղեռնի նահատակ հայ բժիշկները (անոնց պատգամները), Պոսթըն, 1957։
Աղբիւրներ Խմբագրել
- Յարութիւն Մինասեան, Օսմանեան կայսրութիւնում Թուրքիայի Հանրապետութիւնում բռնաճնշումների եւ ցեղասպանութեան ենթարկուած հայ բժիշկներ, Երեւան, «Լուսաբաց», 2014 — 520 էջ։