Փըրսըվիրընս

«Փըրսըվիրընս», անջրպետանաւ, որ դէպի Հրատ ուղղուած է 30 Յուլիս 2020-ին: Աւելի քան վեց ամսուան ճամբորդութենէ ետք, ան կարմիր մոլորակին հասած է 18 Փետրուար 2021-ին: Սակայն այս արշաւին ամէնէն վտանգաւոր բաժինը եղած է մեքենային Հրատի մթնոլորտը մտնելու պահը․ ան կոչուած է՝ «7 վայրկեան սարսափ»:

«Փըրսըվիրընս» բազմաթիւ տարիներ պիտի մնայ Հրատի վրայ, հաւաքելու համար տեղեկութիւններ, բազմաթիւ ժայռի կտորներ, որոնք երկրագունդ պիտի ղրկուին 2030 թուականներու շուրջ, որպէսզի գիտնականները զանոնք ուսումնասիրեն: