6 Below: Miracle On The Mountain (ֆիլմ)
Նուազ Վեց՝ Հրաշք Լերան Վրայ (անգլ.՝ 6 Below: Miracle on the Mountain), Ամերիկեան արկածախնդրական տրամա ժանրի ֆիլմ մըն է[1] բեմադրուած Սքոթ Վոնի կողմէ եւ գրուած Մէտիսըն Թըրնըրի կողմէ, հիմնուած կենսագրական Crystal Clear գիրքին վրայ Էրիք ԼըՄարքի եւ Տէվին Շէյի կողմէ գրուած: Գլխաւոր դերասաններն են՝ Ճաշ Հարթնէթ, Միրա Սորվինօ, Սարա Տիւմոնթ եւ Ճէյսըն Քոթըլ:
Արտադրութիւն Խմբագրել
2016-ի Փետրուարին, յայտարաուեցաւ, թէ Relativity Studios ընկերութեան նախագահ Թաքըր Թուլի պիտի նիւթապէս հոգայ ֆիլմին ծախսերուն: Նկարահանումը սկսաւ Իութա նահանգին մէջ, ԱՄՆ, 2016-ի Մարտին:[2]
Թողարկում Խմբագրել
2017-ի Փետրուարին, Momentum Pictures ընկերութիւնը գնեց ֆիլմի փաշխումի իրաւունքները եւ յայտարարեց 13 Հոկտեմբեր, 2017 հրապարկման առաջին թուականը:[3]
Նիւթ Խմբագրել
Ֆիլմի նիւթը կը խօսի արկածախնդիր երիտասարդի մը մասին, որ սաստիկ ձիւնամրրիկի մը բռնուելով, պարտաւոր է տոկալ անմարդկային կլիմայական թէ այլ պայմաններու, միաժամանակ յաղթահարել փորձելով` թէ՛ արտաքին դժուարութիւնները եւ թէ՛ իր ներքին տագնապները։[4]
Նիւթը առնուած է իսկական կեանքէ. դերասան Ճաշ Հարթնէթ կը ներկայացնէ արհեստավարժ նախկին հօքի մարզախաղի վարպետ Էրիք ԼըՄարք եւ իր կեանքէն առնուած դէպք մը որ պատահած է 2003-ի Փետրուարին, Քալիֆորնիայի Մէմըթ Լեր լերան վրայ։ Ան ողջ մնացած է միայն արմատներ ու կաղինի տեսակներ ուտելով եւ իր մօտ գտնուած MP3֊ն օգտագործած է իբրեւ կողմնացոյց։[5]
Ծանոթագրություններ Խմբագրել
- ↑ «6 Below: Miracle on the Mountain (2017)»։ AllMovie։ արտագրուած է՝ September 19, 2017
- ↑ «Tucker Tooley, Scott Waugh & Josh Hartnett Team For Survival Tale ‘6 Below’»։ Deadline.com։ February 26, 2017։ արտագրուած է՝ September 20, 2017
- ↑ «Momentum Acquires U.S. Rights To ‘6 Below’ Starring Josh Hartnett – Berlin»։ Deadline.com։ February 19, 2017։ արտագրուած է՝ September 20, 2017
- ↑ «6 Below: Miracle on the Mountain (2017)»։ Rotten Tomatoes։ արտագրուած է՝ 13 October 2017
- ↑ «6 Below: Miracle on the Mountain reviews»։ Metacritic։ արտագրուած է՝ 13 October 2017